75. Perdo de ambaŭ urbo kaj kamelo
75. Perdo de ambaŭ urbo kaj kamelo
Iam antaŭe, iu metis grenon en urnon. Lia kamelo etendis sian kapon en la urnon por manĝi grenon, sed ne plu povis elurnigi la kapon. Ankaŭ la mastro povis fari nenion por helpi la kamelon. Li do dronis en granda ĉagreno.
Tiam maljunulo venis al li kaj proponis: "Ne ĉagreniĝu. Mi instruos vin, kion fari. Obeu min, kaj vi povos tuj elpreni la kamelan kapon. Detranĉu la kamelan kapon kaj ĝi tuj eliĝos."
La homo detranĉis la kamelan kapon laŭ la propono. Tiel li mortigis la kamelon, kaj ankaŭ devis rompi la urnon por elpreni la kamelan kapon. Ĉiuj priridis lian malsaĝon.
La ordinaraj homoj ankaŭ kondutas same. Kun deziro al iluminiĝo kaj strebo al la tri sanktaj staĝoj, ili devus observi disciplinojn kaj eviti ĉiujn malbonojn, sed ili rompas la disciplinojn pro avido al la kvin sensobjektoj. Rompinte la disciplinojn, ili rezignis la tri staĝojn kaj faras ĉion malbonan laŭ sia plaĉo. Ili perdas la disciplinon kaj celon, simile al la malsaĝulo, kiu perdis siajn kamelon kaj urnon.
