Vidi fonton por 75. Perdo de ambaŭ urbo kaj kamelo

75. Perdo de ambaux urbo kaj kamelo 

　　Iam antauxe, iu metis grenon en urnon. Lia kamelo etendis sian kapon en la urnon por mangxi grenon, sed ne plu povis elurnigi la kapon. Ankaux la mastro povis fari nenion por helpi la kamelon. Li do dronis en granda cxagreno.

　　Tiam maljunulo venis al li kaj proponis: "Ne cxagrenigxu. Mi instruos vin, kion fari. Obeu min, kaj vi povos tuj elpreni la kamelan kapon. Detrancxu la kamelan kapon kaj gxi tuj eligxos."

　　La homo detrancxis la kamelan kapon laux la propono. Tiel li mortigis la kamelon, kaj ankaux devis rompi la urnon por elpreni la kamelan kapon. Cxiuj priridis lian malsagxon.

　　La ordinaraj homoj ankaux kondutas same. Kun deziro al iluminigxo kaj strebo al la tri sanktaj stagxoj, ili devus observi disciplinojn kaj eviti cxiujn malbonojn, sed ili rompas la disciplinojn pro avido al la kvin sensobjektoj. Rompinte la disciplinojn, ili rezignis la tri stagxojn kaj faras cxion malbonan laux sia placxo. Ili perdas la disciplinon kaj celon, simile al la malsagxulo, kiu perdis siajn kamelon kaj urnon.