16. Akvumi sukerkanon

　　16. Akvumi sukerkanon

　　Antaŭe du homoj kune plantis sukerkanon. Ili interkonsentis: "Premion ricevos tiu, kies sukerkano estos pli bona, kaj punon ricevos tiu, kies sukerkano estos malpli bona."

　　Unu el ili pensis: "Sukerkano estas dolĉa. Se mi premos el sukerkano dolĉan sukon kaj per ĝi akvumos la plantaĵon de sukerkano, la sukerkano estos des pli dolĉa ol tiu de la alia."

　　Li premis sukon el sukerkano, kaj per ĝi akvumis plantaĵon de sukerkano por havigi al si pli dolĉan sukerkanon, sed tio kaŭzis malutilon al la plantaĵoj, kaj li perdis ĉion.

　　Homoj en la mondo ankaŭ estas samaj. Kun deziro al merito kaj feliĉo ili minacas al popoloj kaj eltrudas iliajn havaĵojn por kontribui en meritaj aferoj. Ili deziras feliĉon, sed rezultas fatalaĵon kvazaŭ la malsaĝulo elpreminta sukon de sukerkano por akvumi sukerkanon, kaj perdis ĉion.