Utileco de Esperanto en internacia komunikado pri Budhismo
Utileco de Esperanto en internacia komunikado pri Budhismo
Kun la disvolviĝo de scienco kaj tekniko, pli kaj pli boniĝas la kondiĉo por internacia komunikado. Tio ankaŭ donas bonan oportunecon por budhanoj en diversaj regionoj de la tuta mondo. Tamen la lingvaj problemoj fariĝis malfacile netrasigebla baro. La naciaj lingvoj kutime estas ege malfacile lerneblaj por alilandanoj. Mi donas ekzemplon pri Ĉinia edukado. Kvankam ĉiuj lernantoj en Ĉinio eklernas la anglan lingvon en la elementa lernejo kaj eĉ en infanĝardeno, kaj preskaŭ en ĉiu Budhisma kolegio aŭ universitato de Ĉinio oni ankaŭ instruas la anglan, tamen ege raras la budhanoj, kiuj scipovas interkomuniki kaj paroli pri Budhismo angle. Do la klopodo por lernado de la angla lingvo estas preskaŭ vana. Ĉu estas alia solvo por trapasi la lingvan baron dum nia interkomunikado? La respondo estas certa. La plej efika solvo estas lerni kaj praktiki Esperanton por Budhismo.
Esperanto estas artefarita lingvo facila, utila kaj vaste aplikata en diversaj rondoj de diversaj landoj. Oni povas libere uzi ĝin en internacia komunikado, kaj atingi nivelon pli altan ol en aliaj lingvoj nur post mallonga lernado. Ekzemple en nia lando preskaŭ ĉiuj tradukaĵoj el la Ĉina lingvo estas faritaj de eksterlandaj profesiuloj pri la ĉina lingvo, tamen la esperantaĵoj tradukitaj el la ĉina lingvo estas faritaj nur de ĉinaj esperantistoj.
Do estas kelkaj avantaĝoj pri aplikado de Esperanto en Budhisma komunikado.
Facileco: Kvankam oni devas elspezi sufiĉe longan tempon por lerni kaj praktiki naciajn lingvojn, tamen Esperanto nur bezonas preskaŭ dekonon de tempo kaj energio. Preskaŭ ĉiuj homoj kapablas mastri Esperanton en mallonga tempo se ili lernas ĝin same diligente kiel al la aliaj lingvoj. Per intensiva metodo oni eĉ povas atingi mezan nivelon en nur monato.
Vasta aplikteco: Kvankam la sumo de esperantaj aplikantoj estas ne kamparebla kun tiuj de aliaj grandaj naciaj lingvoj, tamen ĝi estas aplikita en preskaŭ ĉiuj landoj, do oni povas trovi esperantistojn en diversaj regionoj de la mondo. Precizeco: Pro ĝia reguleco kaj facileco, oni povas esprimi sian ideon pli precize en Esperanto, tio evitas la miskomprenon inter la komunikado. Do oni povas fari ĝin pera lingvo dum nia interkomunikado, kaj precipe tradukado pri Budhismo. Se ni unue esperantigas Budhismajn verkojn, la esperantaj samideanoj el diversaj landoj povas elesperantigi la verkojn en siajn proprajn lingvojn.
Sama idealo: Veraj esperantistoj estas amantoj de paco kaj ili same klopodas por la monda paco kiel veraj budhanoj. Do ili havas pli intiman rilaton dun budhanoj kaj en la paciga afero ili volonte kontribuas siajn energion kaj fervoron. Do ĝuste pro tio, multaj esperantistoj volontas fari helpon dum nia laboro.
Ĉi tie mi donas kelkajn sukcesajn ekzemplojn.
En la mondo nun estas du Budhismaj organizoj por esperantistoj. Unu el ili estas BLE (Budhana Ligo Esperantista, http://esperanto.us/budhana.html) kaj la alia estas JBLE (Japana Budhana Ligo Esperantista，Retejo:http://www001.upp.so-net.ne.jp/jble/Budhismo.html), ili faris grandan kontribuon en propagando de Budhismo per Esperanto. Krome en Ĉinio estas speciala retejo BRE (Budhana Retejo Esperantista, http://www.budhano.cn http://www.budhano.com), kiu lanĉiĝis antaŭ ĉirkaŭ dek jaroj. Kiel esprantisto, Sinjoro Miaohui ekpraktikis Esperanton en Budhisma rondo post sia monaĥiĝo, lanĉis la retejon BRE kaj retradion BRE (http://www.budhano.cn/podkasto), kaj ankaŭ ektradukis Budhismajn verkojn en Esperanton. Ĝis nun kvin libroj jam sukcese tradukiĝis en Esperanto, kaj el tiuj jam eldoniĝis du broŝuroj kaj tri diskoj el voĉlegitaj tradukoj. Menciinde estas, ke dum nia laboro multaj esperantistoj el Ĉinio kaj eksterlandoj oferis grandan helpon en korektado kaj modifo de la tradukoj, kaj iuj esperantistoj eĉ eĉ elesperantigis la tradukojn faritajn de Miaohui ankaŭ transtradukiĝis en siajn proprajn lingvojn. Krome, Monaĥejo Tiefosi estas unika ĉina Budhisma monaĥejo, kie oni povas lerni Esperanton kaj Budhismon samtempe. En la monaĥejo okazas diversaj esperantaj aktivadoj krom tiuj de Budhismo. Ĉiuj samideanoj estas bonvenaj en la monaĥejo, kaj ekde antaŭ tri jaroj dekoj da samideanoj el diversaj landoj jam gastis kaj interkomunikis pri Budhismo kaj Esperanto en la monaĥejo. Ekde la kuranta jaro en la monaĥejo okazas internacia esperanta aktivado en la novjara tago kaj somera lernejo de Esperanto dum la somera ferio per kunlaboro kun lokaj kaj ĉinaj esperantaj organizoj. Se budhanoj el diversaj landoj interesiĝas pri Esperanto, sed ne povos trovi ŝancon por lerni ĝin, ni ĉiam estas pretaj liveri la instruan helpon en Monaĥejo Tiefosi. Fakte ni ankaŭ klopodas por pretigi internacian kurson aŭ lernejon pri Budhismo. Nia plano estas, ke la lernantoj el diversaj landoj partoprenos intensivan kurson de Esperanto en unu monato, kaj poste lernos Budhismon rekte en Esperanto dum du monatoj en la monaĥejo. Por nia klopodo ĉiuj helpoj estas bonvenaj.
Ĝuste pro tio mi prononas sincere, ke budhanoj, precipe Budhismaj organizoj kaj kologioj el diversaj landoj ekatentu pri Esperanto kaj kreu kondiĉon por apliki Esperanton en Budhismaj aferoj, por ke pli da homoj en la tuta mondo ricevu favoron de Budhismo pere de Esperanto.
Verkinto: Miaohui
Retadreso: miaohui@ebudhano.cn miaohui@wo.com.cn
Skjapo: Komencanto
