15. Rapida kreskigo al la reĝidino
15. Rapida kreskigo al la reĝidino
Iam knabino naskiĝis al reĝo. La reĝo tuj ordonis al sia kuracisto: "Donu medicinaĵon al mi por plenkreskigi mian filinon senprokraste."
La kuracisto respondis: "Mi donos al vi kreskigan medicinaĵon, sed mi ne posedas ĝin en la nuna tempo. Mi devas pretigi ĝin en malproksimo. Bonvolu ne vidi vian filinon antaŭ ol mia reveno. Mi montros vian filinon al vi tuj post kiam ŝi prenos la medicinaĵon."
La kuracisto foriris malproksimen por la medicinaĵo. Post dek du jaroj, li revenis kun la medicinaĵo. Li kondukis la reĝidinon al la reĝo post kiam ŝi prenis la medicinaĵon.
Vidinte ilin, la reĝo pensis: "Vere bona kuracisto! Li donis al mia filino medicinaĵon, kiu vere kreskigis ŝin." Li do ordonis al siaj subuloj premii la kuraciston per multe da valoraĵo.
Tiam ĉiuj homoj ridis je la reĝo pri lia malsaĝo. Li ne scipovis kalkuli tempon, sed atribuis la kreskon de la reĝidino al la funkcio de la medicinaĵo.
Iuj en la mondo ankaŭ estis samaj. Ili iris al instruisto kaj diris: "Mi volas akiri atingon. Bonvolu instrui al mi por ke mi tuj atingu sukceson."
La instruisto instruis al ili meditadon kaj kontempladon pri dek du interligoj de dependa origino. Per akumulado de merito en sia praktkado ili atingis arahantecon. Do ili ege ĝojis pro tio kaj diris: "Kiel feliĉaj ni estas! La instruisto instruis al ni rapidan metodon por fariĝi arahanto."
