94. kanalo "Mani": Malsamoj inter versioj

Kiel registrite je 14:54, 4 Okt. 2014

　　94. kanalo "Mani"

　　Iam iu adultis kun alies edzino. Antaŭ ol ili finis sian aferon, la edzo revenis de ekstere, trovis ilian agon kaj atendis ĉe la pordo por mortigi la adultanton je lia eliro. La virino diris al la adultanto: "Mia edzo trovis nian aferon. Ni ne havas alian elirejon kaj vi nur povas eliri tra 'Mani'". Ŝi aludis, ke la adultanto elglitu tra la kloaka kanalo.

　　Sed la adultanto miskomprenis tion kiel perlon “Mani”. Li ekserĉis, sed nenie povis trovi ĝin. Li do ĵuris: "Se mi ne trovos la perlon, mi neniam eliros."

　　Momenton poste, li estis mortigita de la edzo.

　　La ordinaruloj ankaŭ tiel kondutas. Aŭdinte, ke en la metamorfozo de morto kaj renaskiĝo ĉio estas efemera, sufera, senenta, kaj senegoa, kaj oni povas liberiĝi sin tenante en la meza vojo ekster du ekstremoj de nihilismo kaj eternismo, ili miskomprenas kaj ekstrebas esplori la limecon kaj senlimecon de la mondo, kaj egoecon kaj senegoecon de la vivestaĵo, tiel ili ne povos atingi la mezan vojon. Kiam venos ilia vivfino, ili mortos pro efemereco kaj falos en tri suferajn statojn kvazaŭ la malsaĝulo, kiu estis mortigita dum li serĉis perlon “Mani”.