2-30. Subada, la lasta disĉiplo: Malsamoj inter versioj

Kiel registrite je 16:17, 12 Okt. 2013

　　2-30. Subada, la lasta disĉiplo

　　Vaganta ermito Subada hazarde restis en Kusinaga kaj decideme iris viziti la Budhon kiam li informiĝis, ke la Budho baldaŭ forpasos. Subada havis problemon ne solveblan, kaj li certis, ke la Budho povos respondi je lia demando kaj klarigi liajn dubojn.

　　Do Subada iris al la sala arbaro kaj demandis al Ananda, ĉu li rajtas vidi la Budhon. Sed Ananda respondis: “Amiko Subada, la Budho estas tre laca, do ne ĝenu lin.”

　　Subada petis dua- kaj triafoje, sed Ananda respondis en sama maniero.

　　Sed la Budho kaptis vortojn de la parolo inter Anando kaj Subada. Li vokis Anandan al si, dirante: “Ananda. Ne detenu Subadan de vizito al mi. Lasu lin veni. Kion ajn Subada demandos min, li tion faros pro deziro al scio sed ne por ĝeno al mi. Kaj li povos rapide kompreni, kion ajn mi diros por respondi liajn demandojn. ”

　　Akirinte permeson, Subata proksimiĝis al la Budho, salutis lin kaj diris: “Gotamo, estas multaj famaj religiaj instruistoj, kiuj donas instruojn diferencajn de la viaj. Ĉu ili ĉiuj trovis la veron kiel ili asertis? Aŭ ĉu nur iom el ili trovis la veron dum aliaj ne?”

　　“Sufiĉe, Subada,” diris la Budho, “Vi ne bezonas maltrankviliĝi pri aliaj instruoj. Aŭskultu min kaj atentu, kion mi diras. Mi sciigos la veron al vi.

　　“Se en iu ajn doktrino aŭ instruo ne ekzistas la Nobla okera vojo, ankaŭ ne ekzistos tiuj, kiuj jam fariĝis sotapana, sakadagami, agami aŭ arahanto, la kvar niveloj de sankteco. Sed en tiuj instruoj, kie oni povos trovi la noblan okeran vojon, oni ankaŭ trovos la sotapanan, sakadagami, anagami kaj la arahanto. En mia instruo oni povos trovi la Noblan okeran vojon, do en ĝi estas la sotapana, sakadagami, anagami kaj la arahanto. En neniu skolo de aliaj religiaj instruistoj oni povos trovi tiajn sanktulojn. Kaj nur se miaj disĉiploj vivis prave kaj sekvas miajn preceptojn aŭ trejnajn regulojn, al la mondo neniam mankas geniaj arahantoj.”

　　Tiam Subada petis, ke la Budho akceptu lin en monaĥa komunumo, kaj la Budho akceptis lian peton. Tiel Subada fariĝis la lasta konvertinto kaj disĉiplo de la Budho kiel Kondana estis la unua konvertinto kaj disĉiplo en la ĉerva parko ĉe Benareso antaŭ 45 jaroj.

　　Subada fariĝis arahanto en mallonga tempo per sia sia honesta kaj diligenta klopodo laŭ la instruo de la Budho.