Vidi fonton por Demando: Vi budhanoj tro zorgas pri formikoj kaj insektoj.

Demando: Vi budhanoj tro zorgas pri formikoj kaj insektoj.

　　Respondo: Budhanoj strebas por disvolvi kompatemon sendistingan kaj ampleksan. Ni rigardas la mondon kiel unuecan tuton, kie cxiu afero aux vivestajxo havas siajn pozicion kaj funkcion. Ni kredas, ke ni devas esti atentemaj antaux ol detrui aux malutiligi delikatan ekvilibron de la naturo. La naturo jam kontrauxstaris tie, kie oni emfazis ekspluati la naturon gxisplene, sucxi lastan sukon de gxi, remeti neniom al gxi, konkeri kaj subigi gxin. Aero venenigxis; riveroj poluciigxis kaj sekigxis; multegaj specoj de bestoj kaj vegetajxoj malaperis kaj montdeklivoj dezertigxis kaj eroziigxis. Ecx klimato sxangxigxis. Se oni estus iom malhasta por la ekspluado, detruado kaj mortigado, tiu terura situacio eble ne okazus. Ni cxiuj devas strebe disvolvi pli da respekto al cxiuj vivestajxoj. Kaj tio estas la instruo de la unua maksimo.