Vidi fonton por 94. kanalo "Mani"

94. kanalo "Mani" 

　　Iam iu adultis kun alies edzino. Antaux ol ili finis la aferon, la edzo revenis de ekstere, trovis tion kaj atendis cxe la pordo por mortigi la adultanton je lia eliro. La virino diris al la adultanto: "Mia edzo trovis nian aferon. Ni ne havas alian elirejon kaj vi nur povas eliri tra 'Mani'". Sxi aludis, ke la adultanto elglitu tra la kloaka kanalo.

　　Sed la adultanto misprenis tion kiel perlon “Mani”. Li eksercxis, sed nenie povis trovi gxin. Li do jxuris: "Se mi ne trovos la perlon, mi neniam eliros."

　　Momenton poste, li estis mortigita de la edzo.

　　La ordinaruloj ankaux tiel kondutas. Auxdinte, ke en la metamorfozo de morto kaj renaskigxo cxio estas efemera, sufera, senenta, kaj senegoa, kaj oni povas liberigxi sin tenante en la meza vojo ekster du ekstremoj de nihilismo kaj eternismo, ili miskomprenas kaj  strebas por la limeco kaj senlimeco de la mondo, kaj egoeco kaj senegoeco de la vivestajxo, tiel ili ne povas atingi la mezan vojon. Kiam venas ilia vivfino, ili mortas pro efemereco kaj falas en tri suferajn statojn kvazaux la malsagxulo, kiu estis mortigita dum li sercxis perlon “Mani”.