Vidi fonton por 86, 290, 362. Leciono el Serpento

　　86, 290, 362. Leciono el Serpento

　　[Valoro de Bona Konduto]

　　Iam antauxe Regxo Brahmadato de Benareso havis tre eminentan pastran konsilanton. Li naskigxis en ricxa nobela familio. Li estis ne nur inteligenta kaj erudicia, sed ankaux malavara pri siaj ricxajxo kaj scio, el kiuj li retenis neniom. Cxiuj rigardis lin homo bonkora kaj bonkonduta.

　　Per praktikado de la Kvin Trejnaj Sxtupoj, li tenis sian menson for de la kvin fikondutoj. Li trovis, ke li plibonigxos en sia propra kutimo, rezigninte cxiujn fikondutojn, kiuj estas: 

　　detrui vivon, cxar por mortigi iun alian, vi ankaux mortigas parton de vi mem; 

　　preni tion, kion oni ne donis al vi, cxar tio kolerigas la posedanton kontraux vi; 

　　fari malcxastajxon, cxar tio kondukas vin al doloro de jxaluzo kaj malamo; 

　　paroli mensoge, cxar vi povas malhonesti al vi mem kaj aliaj samtempe; 

　　perdi prudenton pro alkoholajxo, cxar tiam vi eble damagxas vin mem pro aplikado de aliaj kvar fikondutoj.

　　Vidinte lian vivmanieron, Regxo Brahmadato pensis: "Tiu vere estas bonulo."

　　La pastro avidis lerni pli multe pri la valoro de boneco. Li pensis: "La regxo honoras kaj respektas min multe pli ol aliajn pastrojn. Sed mi volas scii, pro kio li vere respektas min. Cxu pro mia klaso, nobela deveno aux familia ricxajxo? Cxu pro mia profunda scio kaj granda sagxo? Aux pro mia bona konduto? Mi devas trovi la respondon pri tio." 

　　Do li volis fari provon por trovi la respondon. Li decidis sin sxajnigi sxtelisto.

　　Sekvan tagon, kiam li forlasis la palacon, li trapasis la regxan monerfariston, kiu faris monerojn el oro. La bona pastro prenis moneron kaj dauxrigis sian iradon el la palaco sen intenco posedi gxin. Cxar la monerfaristo tre estimis la faman pastron, li restis sidanta kaj diris nenion. 

　　En la dua tago la falsa sxtelisto prenis du monerojn. La kortega monerfaristo ankoraux ne protestis.

　　Fine en la tria tago la pastro favorata de la regxo prenis manplenon da ormoneroj. Cxifoje la monerfaristo tuj kriis spite al la famo kaj rango de la pastro: "Jen la tria fojo por vi prirabi Lian Regxan Mosxton." Kaptante lin, li kriis: "Mi kaptis la sxteliston, kiu sxtelis monon de la regxo! Mi kaptis la sxteliston, kiu sxtelis monon de la regxo! Mi kaptis la sxteliston, kiu sxtelis monon de la regxo!"

　　Tuj alkuris amaso da homoj, kriante: "Aha! Vi sxajnigas vin pli bona ol ni. Ekzemplo de bonkonduto!" Ili batis lin, ligis liajn manojn post lia dorso, kaj kondukis lin al la regxo.

　　Sur la vojo ili iris preter kelkaj serpent-sorcxistoj, kiuj amuzis la rigardantojn el la kortego per venenaj kobroj. Ili tenis la serpentojn je la kolo kaj vosto, volvis gxin cxirkaux sian kolon por montri, kiel kuragxaj ili estas.

　　La ligita kaptito diris al ili: "Estu atentemaj! Ne kaptu la kobron je la vosto, ne kaptu gxin je la kolo kaj ne volvu la venenan serpenton cxirkaux vian kolon. Gxi mordus vin kaj alportus vian vivon al subita fino!"

　　La serpent-sorcxistoj diris: "Senscia pastro, vi ne konas tiun cxi kobron. Fakte gxi estas tre gxentila kaj bona, tute ne tiel malbona kiel vi! Vi estas la sxtelisto, kiu sxtelis monon de la regxo. Pro via konduto malbona kaj krima oni eskortas vin kun viaj manoj ligitaj post via dorso. Sed ne necesas ligi la bonan serpenton!"

　　La pastro pensis: "Ecx venena kobro, kiu mordas aux damagxas neniun, estas nomata 'bona'. Fakte bonkonduto estas la kvalito, kiun oni plej admiras en la mondo!"

　　Kiam ili atingis la tronan cxambron, la regxo demandis: "Kio okazis, miaj amikoj?" Ili respondis: "Li estas la sxtelisto, kiu prisxtelis vian regxan trezorejon." La regxo diris: "Do punu lin laux la legxo."

　　La pastra konsilanto diris: "Via Regxa Mosxto, mi ne estas sxtelisto!" "Do pro kio vi prenis la orajn monerojn de la palaco?" demandis la regxo.

　　La pastro klarigis: "Mi faris tion nur kiel provon por trovi kial Via Regxa Mosxto pli honoras kaj respektas min ol aliajn, cxu pro mia familia fono aux ricxajxo, aux pro mia profunda scio. Gxuste pro tio mi sukcese foriradis preninte unu kaj du orajn monerojn fojrefoje. Cxu vi respektas mian bonkonduton pli ol tiun de aliuloj? Estas klare, ke nur pro preno de manpleno da ormoneroj mi ne plu havis la titolon 'bonulo'. Nur tio sxangxis respekton en humiligon!

　　"Ecx venena kobro, kiu damagxas neniun, estas nomata 'bona'. Do ne plu necesas alia titolo."

　　Por emfazi la lecionon, kiun li cxerpis, la sagxa pastro diris:

　　"Mi trovis, ke altklasa deveno, ricxajxo aux ecx abunda scio estas malpli admirindaj ol boneco por la homaro."

　　La regxo pardonis sian eminentan pastran konsilanton.

　　La pastra konsilanto petis, ke la regxo permesu lin forlasi la servadon en ordinara mondo kaj farigxi arbara ermito. Post la sepfoja rifuzado, la regxo finfine donis al li la permeson.

　　La pastro iris al Himalajo kaj meditis pace. Post kiam li mortis, li renaskigxis en cxiela mondo.

　　La moralinstruo estas: Oni plej admiras bonan konduton.