Vidi fonton por 8. Paŝtisto ŝtelis vestaĵojn el reĝa trezorejo

　　8. Pasxtisto sxtelis vestajxojn el la regxa trezorejo

　　Iam antauxe pasxtisto prisxtelis trezorejon de la regxo kaj forkuris malproksimem. La regxo elsendis homojn al diversaj lokoj por kapti lin. Fine oni trovis kaj eskortis lin al la regxo. La regxo demandis, de kie li havigis al si la vestajxojn. Li respondis: "La vestajxojn mi heredis de mia avo."

　　La regxo ordonis, ke li sin vestu per la vestajxoj. La vestajxoj ne apartenis al la pasxtisto, do li tute ne sciis kiel sin vesti per ili konvene. Li surpiedigis tion, kion oni portis sur la manoj kaj surkapigis tion, kion oni surhavis cxirkaux la talio.

　　Vidinte tion, la regxo kunvenigis la korteganojn kaj parolis pri tio. Li diris al la sxtelisto: "Se la vestajxoj apartenus al via avo, vi devus scii kiel surporti ilin. Kiel vi surportis ilin malkonvene kaj surmetis la suprajn vestajxojn malsupre? Pro via fusxajxo oni scias bone, ke la vestajxoj ne apartenas al vi, sed estas prisxtelitaj de vi."

　　Mi prenas la rakonton kiel simbolon. La regxo simbolas la Budhon kaj la trezoro simbolas la Darmon. La malsagxa pasxtisto simbolas kredantojn de aliaj religioj. Preninte la budhan instruon, ili metas gxin en sian doktrinon kiel sian propran scion. Tamen pro ilia nekompreno al gxi, ili uzas gxin malgxuste kaj mistifikas aliajn homojn, anstataux klarigi la veran signifon. Ili similas al la pasxtisto, kiu sxtelis trezorajn vestajxojn de la regxo, sed nek sciis detale pri ili, nek povis sin vesti per ili konvene.