Vidi fonton por 76. Aspiro al la Reĝidino

76. Aspiro al la Regxidino

　　Iam antauxe, kiam kamparano promenis en la cxefurbo, li vidis, ke la regxidino estas eksterordinare cxarma. Li do aspiris al sxi tagnokte, kaj neniel povis sin deteni de tio. Li deziregis kontaktigxi kun sxi, sed povis trovi nenian metodon por realigi sian deziron. Pro tio li vakskolorigxis kaj suferis de grava malsano. 

　　Kiam liaj parencoj kaj amikoj informigxis pri tio, ili vizitis lin kaj demandis pri la kauxzo de la malsano.

　　Li respondis: "Mi vidis la cxarman regxidinon antaux nelonge, kaj deziregis kontaktigxi kun sxi. Sed mi neniel povis elpensi bonan metodon por tio, do mi malsanigxis pro sopirego. Se mia deziro ne realigxos, mi ne plu povos dauxrigi mian vivon."

　　La amikoj diris: "Ni elpensos bonan metodon por realigi vian deziron, do ne plu turmentigxu pri tio." Tagon poste, ili revenis al li kaj diris: "Ni jam kontaktis la regxidinon por vi, tamen sxi ne konsentis pri via deziro."

　　Auxdinte tion, la kamparano ekridis kun gxojo. Li diris, ke li certe povos havigi la regxidinon al si.

　　Malsagxuloj en la mondo ankaux kondutas same. Anstataux distingi la sezonojn de printempo, somero, auxtuno kaj vintro, ili semis en vintro por rikolti frukton, sed klopodis vane, rikoltis nenion kaj ankaux perdis cxion el la semoj. Kun nur iom da merito la malsagxuloj sin opinias perfektaj kaj baldaux iluminigxontaj simile al la kamparano aspiranta la manon de la regxidino.