Vidi fonton por 47. 238 Sala Vino

　　47. 238 Sala Vino

　　[Malsagxo]

　　Iam en Benareso estis taverno. La mastro havis diligentan kelneron, kiu cxiam volis doni helpon per invento de novaj labormanieroj.

　　En iu varmega tago, la mastro volis sin bani en proksima rivero. Do li lasis la kelneron mastrumi dum lia foresto.

　　La kelnero cxiam volis scii, kial plej multaj klientoj mangxas iom da salo post trinko de vino. Ne volante montri sian sensciecon, li ne kuragxis demandi, kial ili tion faras. Li tute ne sciis, ke ili mangxas salon nur por forigi la vinan odoron en sia busxo. Li opiniis, ke ili bezonas salon por bongusteco. 

　　Li pensis, "Kial la mastro de la taverno ne aldonu salon en la vinon." Li supozis, ke la komerco donos pli da profito, kaj la mastro plezuregos pri tio se li tion faros. Do li aldonis salon en cxiujn vinojn.

　　Sed ekster lia atendo, kiam la klientoj venis en la drinkejon kaj ektrinkis la salan vinon, ili tuj elsputis gxin kaj iris al alia drinkejo.

　　Reveninte de la rivero, la mastro trovis, ke restas neniu kliento en la taverno, kaj krome, cxiuj vinoj estas ruinigitaj.

　　Do li rakontis la okazajxon al sia amiko, konsilanto de la regxo. La konsilanto diris: "Sensciulo ne povas eviti malbonan rezulton ecx kun intenco fari la bonon." 

　　La moralinstruo estas: Bona intenco ne povas farigxi preteksto de senscieco.