Vidi fonton por 44,45. Du Malsaĝaj Infanoj

　　44,45. Du Malsagxaj Infanoj

　　[Malsagxo]

　　Iam estis cxarpentisto maljuna kaj kalva. En la sunaj tagoj lia senhara kapo tiel brilis, ke oni devis permane sxirmi siajn okulojn kontraux brilo kiam ili babilis kun li.

　　Iun sunan tagon, malsata moskito absorbigxis de lia kapo brile kalva. Gxi falis sur gxin kaj ekpikis gxin.

　　La cxarpentisto estis okupita rabotante lignopecon. Kiam li trovis la moskiton pikanta lin, li klopodis forpeli gxin. Sed la malsata moskito rifuzis forlasi la placxan mangxajxon. Do li venigis sian filon kaj ordonis al li forigi la obstinan insekton.

　　Malsame kiel la patro kun brila kapo, la filo ne estis tiel brila en sagxo, sed tamen, li estis laborema kaj obeema. Li diris: "Ne maltrankviligxu, Pacxjo. Estu pacienca. Mi batmortigos la insekton!"

	Li prenis tre akran hakilon, atente celis la moskiton, Senpense faligis la hakilon kaj dispartigis la insekton! Malfelicxe, trancxinte la moskiton, la hakilo ankaux dispartigis la brile kalvan kapon de la maljuna cxarpentisto.

　　Tiumomente la regxa konsilanto gxuste preterpasis tie kun siaj sekvantoj. Kiam ili vidis la okazajxon, ili surprizigxis de la malsagxa afero!

　　La regxa konsilanto diris: "Ne surprizigxu pri tia malsagxo. Tio rememorigis min pri simila afero okazinta hieraux."

　　"En vilagxo ne malproksima de cxi tie, virino desxeligis rizgrajnojn per pistilo. Kiam sxi laboris sxvitante, svarmo da musxoj zumis cxirkaux sxia kapo. Sxi klopodis forpeli ilin, sed la soifaj musxoj ne volis cedi.

　　"Do sxi venigis sian filinon kaj petis sxin forpeli la nauxzajn insektojn. Kvankam malsagxa, la filino cxiam volis lauxeble plezurigi la patrinon.

　　"Sxi starigxis de sia propra pistujo, levis la pistilon kaj zorgeme celis la musxon plej grandan kaj obstinan. Sxi batis la musxon senskrupule! Sed kompreneble, tio mortigis la musxon, kaj ankaux ruinigis la vivon de la patrino."

　　"Vi cxiuj scias la onidiron," la konsilanto diris, kaj finis sian rakonton per jenaj vortoj, "oni preferas sagxajn malamikojn ol malsagxaj amikoj."

　　La moralinstruo estas: Malsagxa amiko estas pli dangxera ol malamiko.