Vidi fonton por 43. Patro de Bambuo

　　43. Patro de Bambuo

　　[Vana Admono]

　　Iam estis instruisto, kiu meditis multe kaj disvolvis sian menson. Lia famo disvastigxis iom post iom. Tiuj, kiuj volis ricevi instruon de la sagxulo, venis por auxskulti lin. Opiniante, ke lia instruo estas tre sagxa, 500 homoj decidis farigxi liaj lernantoj.

　　Unu el ili, kiuj opiniis la instruiston sagxa, estis amanto de dorlotataj bestoj. Fakte, li tiel sxatis bestojn, ke neniun beston li ne volas preni kiel dorlotatajxon.

　　Iutage li ekvidis placxan kaj venenan serpenteton, kiu sercxis mangxajxon. Li decidis fari gxin eksterordinara dorlotata besto. Do li faris malgrandan bambuan kagxon por enteni gxin kiam li forlasis gxin sola. La aliaj lernantoj nomis la malgrandan serpenton "Bambuo", do ili nomis la amanton de favoratoj "Patro de Bambuo", cxar li tre sxatis la serpenton.

　　La instruisto informigxis post nelonge, ke unu el liaj lernantoj tenas venenan serpenton kiel dorlotatan beston. Li alvenigis lin kaj demandis, cxu la informo estas vera. La Patro de Bambuo diris: "Jes, Majstro. Mi amas gxin kiel mian propran filon!"

　　La sagxa instruisto diris: "Estas ne sekure vivi kun venena serpento. Do mi admonas, ke vi lasu gxin foriri por via bono."

　　Sed la Patro de Bambuo pensis, ke li mem scias pli bone. Li respondis: "La etulo estas mia filo. Li ne mordos min. Mi ne povas forlasi gxin kaj vivi sola!"

　　La instruisto atentigis lin: "Certe la malgranda estajxo kauxzos finon de via vivo!" Sed la lernanto tute ne zorgis pri la admono de la instruisto. 

　　Poste, cxiuj 500 lernantoj de la instruisto eliris por kolekti fresxajn fruktojn. La Patro de Bambuo lasis sian "filon" tenita en la bambua kagxo.

　　Estis multe da fruktoj por kolekti, do ili revenis hejmen nur post kelkaj tagoj. La Patro de Bambuo ekkonsciis, ke la kompatinda Bambuo mangxis nenion dum li forestis. Li tuj malfermis la kagxon por ellasi kaj bredi lin.

　　Sed kiam li etendis manon en la kagxon, lia "filo" subite mordis lin. Ignorate dum longa tempo, Bambuo estis tiom kolera kiom malsata. Li estis nur serpento, kiu sciis neniom pri veneno.

　　Sed lia "patro" devus scii pri tio pli bone. Fakte, lin jam atentigis la instruisto, kiun li opiniis sagxa.

　　Kelkajn minutojn post la mordo, la Patro de Bambuo falis morta.

　　La moralinstruo estas: Estas ne bono, se oni sekvas instruiston, sed ne akceptas, kion li diras.