Vidi fonton por 4-1. La rakonto de kvincent monaĥoj

　　La faranto de florkrono

　　4-1. La rakonto de kvincent monahxoj

　　Kiu penetre konas la homan mondon

　　kaj tiujn de Marao kaj dioj?

　　Kiu distingos la perfekte instruitan darmon,

　　Kiel tiu lerte selektas florojn?

　　Bone trejnita homo penetre konas la homan mondon

　　Kaj tiujn de Marao kaj dioj

　　Bone trejnita homo distingas la perfekte instruitan darmon

　　kiel tiu lerte selektas florojn.

　　Dum sia restado en la Gxetavana monahxejo, la Budho parolis tiujn kvarversajxojn rilate al kvincent monahxoj.

　　Kvincent monahxoj akompanis la Budhon al vilagxo kaj poste revenis al la Gxetavana monahxejo. En la vespero, la Budho iris al la monahxoj kiam ili parolis pri la vojagxo, kaj precipe pri la kondicxo de la lando, cxu gxi estas ebena aux monta, aux cxu la tero estas kota aux sabla kaj rugxa aux nigra. Kun scio pri la temo de ilia parolo, la Budho diris al ili: "Monahxoj, la temo priparolata de vi estas ekster via korpo. Fakte estas pli bone ekzameni vian propran korpon kaj fari preparadon por praktiki meditadon."

　　Spertulo de florkrona farado selektas, plukas kaj bone arangxas florojn en florkronojn. En la sama maniero, kiu ekzamenas la naturon de vivo penetre? Kiu bone konas la veran naturon de la homa vivo kaj statoj de subaj mondoj kaj cxieluloj? Kaj kiu penetre komprenos la perfekte predikitan darmon kiel sperta faranto de florkronoj lerte plukas kaj arangxas florojn?

　　La studento, lernanto, esploranto, discxiplo, kaj disciplina persono bone komprenos la doktrinon kiel sperta faranto de florkrono rekonas kaj arangxas florojn. La lernanto, esploranto kaj studento penetre konas la mondon de Marao, la staton de cxieluloj kaj la ekzistecon sur la tero. Li forigos kaj certigos diversajn partojn de la doktrino, kiel lerta faranto de florkrono plukas kaj arangxas la florojn en florkronojn.