Vidi fonton por 37. Naskiĝo de banjana arbo

37. Naskigxo de banjano

　　[Respekto al Maljunuloj]

　　Iam sub la altega Himalajo kreskis granda banjano. Cxe la banjano vivis tri intimaj amikoj. Ili estis koturno, simio kaj elefanto. Ili cxiuj estis tre sagxaj.

　　Ili ekhavis malsamajn opiniojn de tempo al tempo. Kiam tio okazis, neniu el ili konsideris la opinion de aliaj pli valora. Kiom ajn unu spertis, lia opinio estis konsiderata la sama kiel aliaj. Do ili devis elspezi longan tempon por atingi komunan konsenton. 

　　Iom poste, ili ekkonsciis, ke ili sxparos tempon kaj pliigos amikecon se ili mallongigos konflikton. Do ili konkludis, ke tio pli helpos, se ili konsideros la plej valoran opinion unue. Tiel, ili ne plu perdos tempon kaj malutilos al amikeco pro disputado. 

　　Felicxe, ili cxiuj opiniis, ke la plej valora opinio bazigxas sur ricxaj spertoj. Do ili povos vivi ecx pli harmonie se ili respektos la plejagxan el ili. Ili konsideros la opiniojn de aliaj nur se tiu de la plejagxulo estos vere evidente malvera.

　　Malfelicxe, la elefanto, simio kaj koturno tute ne sciis, kiu estas la plej agxa, cxar tiutempe oni ankoraux ne kutimis doni respekton al la pliagxaj kaj ili ne bezonis memori siajn naskigxdaton aux agxon.

　　Iutage, kiam ili ripozis en la ombro de la granda banjano, la koturno kaj simio demandis la elefanton: "Kiom granda estis tiu cxi arbo, laux via plej frua rememoro?" 

　　La elefanto respondis: "Mi memoris tiun cxi arbon dum tre longa tempo. Kiam mi estis malgranda bebo, mi kutime senjukigis mian ventron frotante gxin kontraux la molaj sxosoj de la arbopinto."

　　La simio diris: "Kiam mi estis scivolema bebo, mi kutime sidis kaj fiksrigardis la malgrandan plantidon de la arbo. Iam mi ecx klinis min por mordi la molajn foliojn."

　　La simio kaj elefanto demandis la koturnon: "Laux via plej frua memoro, kiom granda estis tiu cxi banjanarbo?"

　　La koturno diris:" Kiam mi estis juna, mi sercxis mangxajxon en proksima arbaro. En la arbaro estis banjanarbo granda kaj maljuna, plena de maturaj beroj. Foje mi mangxis iom da beroj kaj en la sekva tago mi fekis cxi tie. Semoj en la fekajxo elgxermis kaj farigxis tiu cxi arbo."

　　La simio kaj elefanto diris: "Ha! Sinjoro koturno, vi estas la plej agxa el ni. Vi estas plej respektinda kaj honorinda por ni. Ekde nun ni turnos grandan atenton al viaj vortoj. Laux viaj sagxo kaj sperto, admonu nin kiam ni faros erarojn. Kiam okazos malkonkordo, ni pli alte taksos vian opinion. Ni nur petas, ke vi estu honestas kaj justa."

　　La koturno respondis: "Mi dankas por viaj respektoj, kaj mi promesas cxiam esti tauxga por tio lauxeble." La sagxa malgranda koturno fakte estis Bodisatvo, la iluminigxinto.

　　La moralinstruo estas: Respekto al la sagxo de maljunuloj kondukas al harmonio.