Vidi fonton por 36. Birdoj Saĝaj kaj Malsaĝaj

　　36. Birdoj Sagxaj kaj Malsagxaj

　　[Bona Averto]

　　Iam estis giganta arbo en arbaro. Multaj birdoj vivis sur la arbo, kaj ilia estro estis la plej sagxa el ili.

　　Iutage, la estro vidis du brancxojn frotantaj unu kontraux la alia. Tio faligis lignerojn sur la teron. Tiam li rimarkis fumeton levigxantan de la reciproke frotantaj brancxoj. Li pensis: "Sendube okazos fajro, kiu bruligos la tutan arbaron."

　　Do la sagxa maljuna birdo kunvenigis cxiujn birdojn vivantajn sur la giganta arbo. Li sincere avertis al ili: "Miaj karaj amikoj, brulos la arbo, sur kiu ni vivas. La fajro detruos la tutan arbaron. Do estos dangxere resti cxi tie. Ni tuj forlasu la arbaron!"

　　Sagxaj birdoj konsentis pri lia averto. Do ili flugis al alia arbaro en malsama lando. Sed la birdoj ne tiel sagxaj diris: "La maljuna estro estas timema. Li ecx imagis krokodilojn el guto da akvo! Kial ni forlasu niajn nestojn komfortajn kaj cxiam sekurajn? Lasu la timemulojn forflugi. Ni fidu nian arbon kuragxe!"

　　Post nelonge, vere okazis fatalajxo kiel avertis la sagxa gvidanto. La reciproke frotantaj brancxoj estigis fajreron, kiu falis en sekajn foliojn sub la arbo. La fajreroj farigxis fajro pli kaj pli granda. Post nelonge, la giganta arbo ekbrulis. La restantaj malsagxaj birdoj blindigxis kaj sufokigxis en fumo. Multaj ne eskapintaj birdoj pereis en la fajro.

　　La moralinstruo estas: Oni riskas sian vivon, se ignorante la admonon de sagxuloj.