Vidi fonton por 35. Spegulo en la skatolo de trezoro

　　35. Spegulo en la skatolo de trezoro

　　Iam vivis malricxulo. Li sxuldis grandan sumon al aliaj kaj ne kapablis redoni, do li povis fari nenion ol forfugxi.

　　En dezerto li trovis skatolon plenan de trezoro. Sur la trezoro kusxis spegulo sub la skatola kovrilo.

　　Vidinte la skatolon, la malricxulo ege plezurigxis kaj tuj malfermis gxin. Sed kiam li vidis homfiguron en la spegulo, li terurigxis kaj diris kun cxebruste alpremitaj manoj: "Mi opiniis, ke la skatolo estas malplena, sed tute ne scias, ke vi estas ene. Bonvolu ne koleri kontraux mi!"

　　La ordinaraj homoj ankaux estas similaj. Turmentite de sennombraj cxagrenajxoj kaj persekutite de morto, Marao kaj sxuldatoj, ili volas fugxi el la vivcirklo de naskigxo kaj morto. Ili praktikas bonan konduton kaj akumulas meriton en Budhismo gxis ili vidas la skatolon de trezoro. Sed ili konfuzigxas pro la spegulo de egoo, misprenas la vidpunkton pri egoo kiel veron kaj krocxigxas al gxi. Pro tio ili degeneras, perdas cxiujn meritojn, meditajn atingojn, purecon, kaj sanktajn fruktojn de la tri sxtupoj. Simile al la malsagxulo, kiu forjxetis la trezoron, la homoj krocxigxintaj al egoo ankaux faras same.