Vidi fonton por 35. Koturnido ne flugpova

　　35. Koturnido ankoraux ne flugpova 

　　[Potenco de Vero, Virto kaj Kompato]

　　Iam en unu el siaj reenkarnigxoj, la Iluminigxinto naskigxis kiel malgranda koturnido. Kvankam li havis malgrandajn piedojn kaj flugilojn, tamen li ankoraux ne scipovis piediri kaj flugi. Liaj gepatroj laboris diligente por porti mangxajxon al la nesto kaj nutri lin per sia beko.

　　Cxiujare kutime okazis fajrego en tiu parto de la mondo. Do fajro okazis en tiu jaro. Cxiuj flugpovaj birdoj forflugis vidinte la fumon. La fajro disvolvigxis pli kaj pli proksimen al la nesto de la koturnido, dum liaj gepatroj restis kun li. Fine kiam la fajro estis tre proksima, ili povis fari nenion alian ol forflugi solaj por sin savi.

　　Cxiuj arboj grandaj kaj malgrandaj brulis kaj krakis en granda bruo. La malgranda koturnido vidis, ke cxio detruigxas de la ne haltigebla fajro. Li povis fari nenion alian por sin savi. Gxuste tiam, sento de senhelpeco plenigis lian menson.

　　Subite li pensis: "Miaj gepatroj tre amas min. Ili sindoneme konstruis neston por mi kaj vartis min malavare. Kiam okazis la fajro, ili restis cxe mi gxis la lasta momento dum la aliaj flugpovaj birdoj jam forflugis antaux longa tempo.

　　"Kiel granda estas la amo de miaj gepatroj al mi, ke ili restis kaj riskis sian vivon, sed ili montris sian senrimedecon por min savi.

　　"Cxar ili ne povis porti min, ili forflugis solaj devigite. Kie ajn ili estas, mi dankas ilin pro ilia sindonema amo al mi. Mi tutkore bondeziras, ke ili estu sekuraj, bonfartaj kaj felicxaj.

　　"Nun mi estas tute sola. Al neniu mi povas iri por peti helpon. Mi havas flugilojn, tamen mi ne kapablas forflugi. Mi havas piedojn, tamen mi ne povas forkuri. Sed almenaux mi ankoraux povas mediti. Cxio, kion mi povas uzi, estas mia menso ankoraux pura. La nuraj konatoj en mia mallonga vivo estas miaj gepatroj kaj mia menso plenigxis de amo al ili. Al neniu mi faris malbonon. Mi estas plena de pura honesteco de novnaskito."

　　Tiam miraklo okazis. La pura honesteco des pli kreskis gxis gxi farigxis pli granda ol la malgranda birdido. La scio de vero disvastigxis tra tiu vivperiodo, kaj li eksciis multe pri siaj antauxaj vivoj. En unu el siaj antauxaj vivoj li konis budhon, la perfekte iluminigxintan cxiosciulon, kiu havas potencon de vero, purecon de virto kaj celon de kompato. 

　　Tiam la grandulo en la malgranda birdido pensis: "La nuna pura honesteco unuigxu kun la antikva pureco de virto kaj potenco de vero. Savigxu cxiuj birdoj kaj aliaj vivestajxoj ankoraux suferantaj en la fajro. Tiu cxi loko estu sekura de fajro por milionoj da jaroj!"

　　Cxio vere okazis laux lia deziro.

　　La moralinstruo estas: Vero, virto kaj kompato povas savi la mondon.