Vidi fonton por 34. Porti dolĉan akvon

34. Transporti dolcxan akvon

　　Iam estis vilagxo distanca de la cxefurbo je kvin jogxanoj. En la vilagxo trovigxis dolcxa akvo, do la regxo ordonis al la vilagxanoj sendi dolcxan akvon al li cxiutage. La vilagxanoj elcxerpigxis de tio, kaj cxiuj volis forlasi la vilagxon por fugxi en aliajn lokojn.

　　Tiam la vilagxestro diris al la vilagxanoj: "Ne forlasu! Mi petos la regxon, ke li sxangxu la distancon de kvin jogxanoj al tri por proksimigi vin, tiel vi ne plu lacigxos de la vojirado."

　　Li do faris peton al la regxo, kaj la regxo vere sxangxis la distancon al tri jogxanoj.

　　Cxiuj gxojegis pri tio.

　　Iu diris: "La vojo ankoraux longas je kvin jogxanoj, kaj la distanco tute ne sxangxigxis."

　　Tamen auxdinte tion, neniu volis forlasi la vilagxon pro sia kredo al la regxo.

　　Iuj homoj en la mondo ankaux tiel kondutas. Ili praktikas gxustan darmon de Budhismo por atingi la urbon de nirvano trapasinte la Kvin Sxtupojn de preparado, oportunaj metodoj, vido, sinkulturado kaj kulmino. Sed ili enuas en la klopodo, volas rezigni la praktikadon, resti en la vivcirklo de naskigxo kaj morto kaj ne plu pasxi antauxen. Poste la Darma Regxo interpretis la metodon farigxi budho per la tri sxtupoj de sxravako (sravaka), pratjekabudho (pratyekabuddha) kaj bodisatvo. La praktikantoj de hinajano gxojis pro tio, opiniante, ke gxi estas facila vojo por atingi liberigxon el la vivcirklo de naskigxo kaj morto per bonaj konduto kaj merito. Poste ili auxdas, ke la celo de budhismo estas farigxi budho anstataux la aliaj, sed simile al la vilagxanoj, ili ne plu volas anstatauxigi la antauxan celon per la nova pro sia kredo je la Budho.