Vidi fonton por 32. Dancanta Pavo

　　32. Dancanta Pavo

　　[Fiero kaj Modesto]

　　Iam antaux longa tempo la kvarpiedaj bestoj elektis leonon kiel sian regxon. En la oceano nagxis giganta fisxo kaj la fisxoj honoris lin kiel regxon. La birdoj estis allogitaj de beleco de Ora Cigno, do ili faris lin regxo.

　　Regxo Ora Cigno havis belan orkoloran filinon. Kiam sxi estis ankoraux tre juna, li promesis al sxi unu deziron. Sxi deziris, ke sxi povu elekti la edzon per si mem kiam sxi plenagxigxos."

　　Kiam la regxidino plenkreskis, Regxo Ora Cigno venigis cxiujn virbirdojn vivantajn en la vasta Himalaja Montaro de centra Azio, por ke lia filino elektu tauxgan edzon. La birdoj venis de malproksime, kaj ecx el alta Tibeto. Alvenis anseroj, cignoj, agloj, paseroj, kolibroj, kukoloj, strigoj, kaj multaj aliaj birdoj.

　　La kunveno okazis sur alta kaj largxa sxtonplato en bela verda lando de Nepalo. Regxo Ora Cigno diris al sia aminda filino, ke sxi rajtas elekti iun ajn birdon laux sia deziro.

　　Sxi pririgardis tiel multajn birdojn. Sxiaj okuloj allogigxis de smeralda pavo kun longa kolo kaj belegaj vostplumoj.

　　Informigxinte, ke la pavo estas la plej bonsxanca, cxiuj aliaj birdoj proksimigxis al li por esprimi sian gratulon. Ili diris: "Vin elektis la ora cigna regxidino ecx el tiel multaj belaj birdoj. Ni gratulas vin por via fortuno."

　　La pavo ekzaltigxis pro fiero, kaj komencis montri siajn belajn plumojn en mirige parada danco. Li ventumadis siajn cxarmajn vostplumojn kaj dancadis en cirklo por vidigi sian voston. Tro memfida, li levis la kapon al la cxielo kaj forgesis modestecon, do pro tio li elvidigis siajn plej privatajn partojn al la publiko.

　　Subridis aliaj birdoj, precipe la junaj. Sed Regxo Ora Cigno sentis nenian amuzigxon. Li embarasigxis vidinte, ke la elektito de lia filino tiel kondutas senhonte. Li pensis: "Tiu cxi pavo havas nek internan hontemon por agi modeste nek eksteran timon por eviti maldecan konduton. Kiel mia filino povus esti humiligita de tiel senhonta kunulo?"

　　Starante en mezo de la birdoj, la regxo diris: "Sinjoro Pavo, via vocxo dolcxas, viaj plumoj belas, via kolo smeralde brilas, kaj via vosto similas al bela ventumilo, sed vi dancas kiel tiu, kiu ne havas siajn proprajn timon kaj hontemon. Mi ne permesas mian naivan filinon edzinigxi al tia malsagxulo kia vi!"

　　Regxo Ora Cigno edzinigis sian oran filinon al regxa nevo. La malsagxa pavo forflugis, perdinte la belan edzinon.

　　La moralinstruo estas: Se vi fieras en la koro, vi montrigxos kiel malsagxulo.