Vidi fonton por 3-9. La rakonto de Sorejo

　　Bone trejnita menso superas homon

　　3-9. La rakonto de Sorejo

　　La bone trejnita menso

　　Faras pli grandan bonon

　　ol la patrino, patro

　　Kaj cxiu ajn parenco.

　　Restante en la Gxetavana Monahxejo, la Budho parolis tiun cxi kvarverson, rilate al Sorejo, la filo de ricxulo en la urbo de Sorejo. Foje, Sorejo veturis per cxevala cxaro por banigxi akompanate de siaj amiko kaj servistoj. Gxuste tiam, monahxo Mahakacxajano ordigis siajn robojn ekster la urbo, kiam li pretis iri en la urbon Sorejo por peti mangxajxon. Vidinte la junan mienon de la monahxo, la junulo Sorejo pensis: "Kiel mi deziras, ke la monahxo estus mia edzino, tiel ke la mieno de mia edzino estus simila al la lia." Jxus kiam la deziro aperis en li, lia sekso sxangxigxis kaj li subite farigxis virino. Ege hontigxinte, li tuj subiris de la cxaro kaj forkuris laux la vojo al Taksilo. Liaj akompanantoj sercxis cxie, sed ne trovis lin. La virinigxinta Sorejo oferis sian sigelitan ringon al iuj irantaj al Taksilo, por ke tiuj permesu sxin veturi per ilia cxaro. Atinginte Taksilon, sxiaj akompanantoj diris al juna ricxulo de Taksilo pri la virino, kiu venis kune kun ili. La juna ricxulo trovis, ke sxi estas tre bela kaj agxas konvene por li, li do edzigxis al sxi. Kiel rezulto de la edzinigxo, sxi naskis du filojn. Sxi ankaux havis aliajn du filojn en la antauxa geedzigxo kiel viro.

　　Iutage, filo de soreja ricxulo venis al Taksilo kun karavano de kvincent cxaroj. Sinjorino Sorejo rekonis lin kiel sian malnovan amikon kaj tuj faris inviton al li. La viro de Sorejo surprizigxis pri la invito, cxar li tute ne konis la virinon, kiu invitis lin. Li diris al sinjorino Sorejo, ke li ne konas sxin, kaj demandis, cxu sxi konas lin. Sxi respondis, ke sxi konas lin tre bone. Sxi ankaux demandis pri la bonfarteco de sia familio kaj aliaj homoj en la urbo Sorejo. La viro de Sorejo informis sxin pri sia amiko, kiu malaperis mistere kiam tiu iris por banigxi. Tiam sinjorino Sorejo malkasxis sian personecon kaj rakontis pri sia tuta okazajxo, pri la eraraj pensoj kontraux monajxo Mahakacxajano, pri la sxangxigxo de sia sekso, kaj ankaux pri sia edzinigxo al juna ricxulo de Taksilo. La viro de Sorejo admonis al sinjorino Sorejo peti pardonon de la monahxo. Monahxo Mahakacxajano vizitis Sorejon laux invito kaj akceptis la oferitan mangxajxon. Post la mangxo, oni kondukis sinjorinon Sorejo al la monahxo, kaj la viro de Sorejo raportis al li, ke la virino iam estis filo de soreja ricxulo. Li eksplikis, kiel Sorejo virinigxis pro siaj eraraj pensoj kontraux la estimata monahxo. Sinjorino Sorejo respektoplene petis pardonon de la monahxo. La monahxo diris: "Starigxu, mi pardonas vin." Tuj kiam tiuj vortoj estis elbusxigitaj, la virino denove aliseksigxis en viron. Sorejo estis scivola, kiel en la ekzisteco kaj kun sola korpo li spertis la sxangxigxon de sekso kaj ecx naskis filojn. Opiniante, ke liaj travivajxoj estas lacigaj kaj abomenindaj, li decideme forlasis la mondan vivon kaj aligxis al la samgo kiel monahxo.

　　Monahxigxinte, li ofte ricevis demandojn: "Al kiuj el viaj filoj vi pli korinklinas, al la filoj naskigitaj aux naskitaj de vi?" Li kutime respondis, ke li pli amas tiujn, kiujn li havas kiel virino. Oni tiel ofte metis la demandojn al li, ke li ege cxagrenigxis kaj hontigxis. Li do restis sola, diligente kontemplis la kadukigxon kaj pereigxon de la korpo kaj tuj atingis arahantecon kune kun analitika rigardo. Poste, kiam oni starigis al li la malnovajn demandojn, li respondis, ke li ne plu havas specialan korinklinon al iu ajn el ili. Auxdinte tion, aliaj monahxoj pensis, ke li mensogas. Kiam ili raportis al la Budho pri la malsamaj respondoj de Sorejo, la Budho respondis: "Mia filo ne mensogis. Li diris la veron."  

　　Bone gviditaj pensoj povas helpi homojn farigxi pli bonaj ol ties patro aux patrino.