Vidi fonton por 26. Virina Vizaĝo

　　26. Virina Vizagxo

　　[Influo]

　　Iam antauxe la regxo de Benareso havis elefanton bonkoran, paciencan, kaj mildan. Krom la milda karaktero, gxi havis ankaux aminde gxentilan vizagxon. Do oni ameme nomis gxin Virina Vizagxo.

　　Iunokte, kelkaj rabistoj amasigxis ekster la elefantejo. Ili interbabilis pri siaj planoj de prirabado en la mallumo. Ili parolis pri batado kaj mortigado. Ili ankaux fanfaronis, ke ili jam rezignis ordinaran bonecon, do ili ne plu kompatas siajn viktimojn. Ili uzis lingvajxon de kruduloj kaj krimuloj speciale por montri sian kruelecon al la aliaj.

　　Estas kviete en la nokto. Virina Vizagxo havis nenion alianm por por fari ol auxskulti la timigajn planojn kaj krudajn vortojn de la rabistoj. Gxi auxskultis atenteme, kaj parkeris cxion en la maniero de elefantoj. Gxi edukigxis obei kaj respekti homojn, do gxi opiniis, ke gxi devas obei kaj respekti tiujn homojn, ecx kiel instruistojn.

　　Poste pasis kelkaj noktoj. Virina Vizagxo pensis, ke estas prave farigxi kruda kaj kruela. Tio kutime okazis al tiu, kiu vivas kun nature kruelaj homoj, kaj ankaux precipe al tiu, kiu volas placxi al la aliaj.

　　Indianoj nomas specialan dresiston kaj brediston de elefantoj elefantisto. Frue en iu mateno, la elefantisto de Virina Vizagxo iris al gxi kiel kutime. Lin subite atakis la elefanto, kies cerbo ankoraux plenis de la noktaj interbabiloj de la rabistoj. Gxi kaptis lin per sia rostro, firme premis lin, jxetis lin sur la teron kaj tuj mortigis lin. Poste, gxi kaptis aliajn du helpantojn, mortigis ilin same feroce unu post la alia.

　　Post nelonge tra la tuta urbo cirkulis la informo, ke la iama adorata Virina Vizagxo subite frenezigxis kaj farigxis timiga mortiganto de homoj. Oni kuris al la regxo por  peti helpon.

　　La regxo hazarde havis inteligentan ministron kiu famigxis faman pro sia kompreno pri la bestoj. Do la regxo alvenigis lin kaj ordonis lin esplori, kiu malsano aux alia kauxzo tiel krudigis lian favoratan elefanton.

　　La ministro estis BodhisatvoBodisatvo, la iluminigxinto. Irinte en la elefantejon, li diris gxentile mildajn vortojn al Virina Vizagxo por trankviligi gxin. Li ekzamenis gxin kaj trovis, ke gxi estas perfekte sana. Kiam li parolis afable al Virina Vizagxo, li rimarkis, ke gxi suprenlevis la orelojn kaj auxskultis lin atenteme. Evidente la kompatinda besto avidis auxskulti la gxentilajn vortojn. Do la komprenema ministro konjektis, ke la elefanto auxdis krudajn vortojn aux vidis kruelajn agojn de tiuj, kiujn gxi erare prenis kiel siajn instruistojn.

　　Li demandis la gardistojn de la elefanto: "Cxu vi vidis iujn vagantaj cxe la elefantejo dum nokto aux en alia tempo?" Ili respondis: "Jes, Ministro. Dum lastaj semajnoj kelkaj rabistoj kunvenis cxi tie. Ni kuragxis fari nenion kontraux ili, cxar ili estas tre krudaj kaj kruelaj. Eble Virina Vizagxo povis auxdi cxiun vorton de ili."

　　La ministro tuj revenis al la regxo. Li raportis: "Via Regxa Mosxto, mi trovis, ke Virina Vizagxo, via favorata elefanto, estas en perfekte bona sanstato. Mi trovis, ke gxi lernis ferocecon kaj kruelecon auxdinte la vulgarajn kaj ofendajn vortojn de rabistoj dum multaj noktoj. Kontaktado kun malbonaj homoj ofte alkondukas  malbonajn pensojn kaj agojn."

　　La regxo demandis: "Kion fari?" La ministro proponis: "Nun mi devas agi kontrauxe. Ni invitu sagxajn virojn kaj eminentajn bonzojmonahxojn kun nobla menso kaj bonkora naturo pasigi same multajn noktojn ekster la elefantejo. Tie ili interparolu pri la valoro de ordinaraj bonkonduto kaj pacienco alkondukantaj kompatemon, bonkoron kaj toleremon." 

　　Do cxio okazis bonorde. Dum pluraj noktoj la bonkoraj sagxuloj interparolis pri la bonaj kvalitoj. Ili uzis nur gxentilan kaj belan lingvajxon kun intenco pacigi kaj konsoli la aliajn.

　　Auxdinte la plezurajn interparolojn dum multaj noktoj, Virina Vizagxo farigxis ecx pli pacama kaj placxa ol antauxe!

　　Vidinte la tutan sxangxigxon, la ministro raportis al la regxo dirante: "Via Regxa Mosxto, Virina Vizagxo estas ecx pli pacama kaj placxa ol antauxe. Nun gxi estas tiel milda kiel sxafido!"

　　La regxo diris: "Estas vere mirinde, ke tia freneze feroca elefanto povas sxangxi sian naturon pro la influo de sagxaj homoj kaj eminentaj bonzojmonahxoj." Li admiris sian ministron pri la kapablo kompreni la intencon de elefanto. Do li rekompencis lin lauxmerite.

　　Krudaj vortoj malbone influas, dum la gxentilaj kuracas per favoro.