Vidi fonton por 26. Palpebrumi imite al la reĝo

　26. Palpebrumi imite al la regxo

　　Iam antauxe iu volis placxi al la regxo, do li demandis al la aliaj: “Kiel mi povos akiri placxon al la regxo?”

　　Oni respondis: “Se vi volas placxi al la regxo, vi devas imiti lian aspekton.”

　　Li do iris al la regxo. Vidinte la palpebrumadon de la regxo, li ankaux imitis lin. La regxo demandis al li: “Cxu vi suferas de malvarmumigxo aux okula malsano? Kial vi palpebrumas?”

　　Li respondis: “Mi ne suferas de malvarmumigxo, nek havas okulan malsanon. Vidinte, ke vi palpebrumas, mi ankaux tion faris imite.”

　　Auxdinte tion, la regxo furiozigxis kaj tuj ordonis serioze puni kaj forpeli lin el la lando.

　　Iuj homoj en la mondo ankaux estas samaj. Ili volis proksimigxi al Budhismo por ricevi la instruon kaj havi scion. Sed proksimigxinte al Budhismo, ili ne komprenis, ke la Budho intence montris sian mankon laux la kondicxo por profitigi al la vivestajxoj. Aux ili mokis pri la malgxustaj vortoj aux imitis la mankojn kiam ili auxskultis la instruon. Pro tio ili perdis la bonsxancon en Budhismo kaj renaskigxis en la tri malbonaj statoj. Ili kondutis same kiel la malsagxulo.