Vidi fonton por 25. Malpura Banakvo

　　25. Malpura Banakvo

　　[Pureco]

　　Iam antauxe en regno de Hindio, oni kutime kondukis la plej bonan el la kortegaj cxevaloj al la rivero por gxin bani. Foje, la cxevalistoj kondukis gxin al sama malprofunda lageto, kie ili cxiam gxin banis.

　　Sed antaux ilia alveno, oni banis cxevalon malbonan kaj malpuran en la sama loko. La cxevalo estis kaptita en la kamparo, kaj gxi neniam banigxis antauxe en sia tuta vivo.

　　La bona regxa cxevalo flaris la aeron. Gxi tuj sensis, ke malpura sovagxa cxevalo sin banis en la sama loko kaj malpurigis la akvon. Tio malplacxis al gxi, do gxi rifuzis banigxi en la lageto.

　　La cxevalistoj provis gxin enakvigi lauxeble, sed neniel sukcesis. Do ili iris al la regxo kaj plendis, ke la bone trejnita cxevalo subite farigxis obstina kaj malobeema.

　　La regxo havis inteligentan ministron konatan pro kompreno al bestoj. Do la regxo alvenigis lin kaj ordonis: "Bonvolu iri por rigardi, kio okazis al mia plej bona cxevalo. Esploru, cxu gxi rifuzas banigxi pro malsano aux aliaj kauxzoj. El cxiuj miaj cxevaloj, mi opinias, ke tiu cxi estas tiel bonkvalita, ke gxi neniam lasas sin malpura. Certe okazis problemo."

　　La ministro iris sur la bordon de la lageto senprokraste. Li tuj trovis, ke la regxa cxevalo estis ne malbonfarta, sed perfekte sana. Li ankaux rimarkis, ke la cxevalo spiris lauxeble plej malrapide. Do li snufis la aeron, kaj flaris iom da fiodoro. Post atenta esplorado li trovis, ke la fiodoro venis de la malpura akvo en la lageto. Do li supozis, ke alia cxevalo malpura banigxis tie, tiel ke la regxa cxevalo rifuzis banigxi en la malpura akvo pro sia sxato al pureco.

　　La ministro demandis la cxevalistojn: "Cxu alia cxevalo banigxis en la lageto hodiaux?" Ili respondis: "Jes. Antaux nia alveno, oni banis malpuran sovagxan cxevalon cxi tie." La ministro diris al ili: "Miaj karaj cxevalistoj, jen estas la plej bona cxevalo de la regxo. Gxi amas purecon kaj ne volas banigxi en malpura akvo. Do la nura afero, kion vi povas fari, estas nur konduki gxin al la rivero, en kiu la akvo estas fresxa kaj pura, kaj banu gxin."

　　Ili sekvis la proponon, kaj la regxa cxevalo plezure banigxis en la nova loko.

　　La ministro revenis al la regxo kaj raportis pri la okazajxo. Li diris: "Vi estis prava,Via Regxa Mosxto. Tiu cxi cxevalo vere estas tiel bonkvalita, ke gxi neniel sin lasas malpurigxi."

　　La regxo admiris, ke lia ministro kapablas scii la intencon de cxevalo. Do li rekompencis lin lauxmerite.

　　La moralinstruo estas: Pureco placxas ecx al la besto.