Vidi fonton por 2-9. La rakonto de Monaĥo Nigama Vasi Tiso

　　2-9. La rakonto de Monahxo Nigamo Vasi Tiso

　　La biksxuo, kiu estas atentema,

　　opinias malatentemon timinda.

　　Li neniam forlasas nirvanon

　　Kiam li estas proksime.

　　Logxante en Gxetavana Monahxejo, la Budho parolis tiun verson rilate al Monahxo Nigamo Vasi Tiso.

　　Junulo el alta klaso naskigxis kaj kreskis en iu foira urbo ne malproksime de Sravastio. Li forlasis la mondan vivon kaj farigxis monahxo en la religio de la Budho. Pro sia antauxa profesio li estis fame konata kiel Tiso de la foira urbo aux Nigamo Tiso. Li akiris reputacion de sxparemo, kontentemo, pureco kaj persisteco. Li cxiam faris rondiron por almozpeti en la vilagxo, kie vivis liaj parencoj. Kvankam li logxis en la najbara urbo de Sravastio, kie Anatapindiko kaj aliaj discxiploj donacis abundajn oferajxojn kaj Pasenadi Kosalo donacis senkompareblajn oferajxojn, li neniam iris al Sravastio.

　　Iutage la monahxoj babilis pri li kaj diris al la instruisto: “Monahxo Nigamo Tiso estas okupita kaj aktiva. Li vivas en intima rilato kun homoj el sia klano. Kvankam Anatapindiko kaj aliaj discxiploj donacas abunde da oferajxoj kaj Pasenadi Kosalo oferas donacojn senkompareblajn, li neniam venis al Sravastio.” La Budho alvenigis Nigamon Tison kaj demandis lin: “Monahxo, cxu veras la raporto, ke vi faras tion?” “Sinjoro,” respondis Tiso, “estas ne vere, ke mi vivas en intima rilato kun miaj parencoj. Mi ricevas de tiuj homoj nur tiom, kiom mi bezonas por mangxi. Sed post kiam mi ricevis tiom da mangxajxo, cxu malbona aux bona, kiel mi bezonis por vivteni min, mi ne plu revenis al la monahxejo, pensante, ‘kial sercxi mangxajxon?’ Mi ne vivis en intima kontakto kun miaj parencoj, Sinjoro.” La Budho, kiu sciis la karakteron de la monahxo, aplauxdis lin, dirante: “Bone farite, bone farite, monahxo!” kaj li diris al li: “Estas tute ne strange, monahxo, ke havante tian instruiston kia mi estas, vi devas esti sxparema. Cxar sxparemo estas mia karaktero kaj kutimo.” Poste li rakontis laux la peto de la monahxoj:

　　Iam vivis miloj da papagoj en iu figarba bosko de Himalaja regiono sur la bordo de Ganga Rivero. Unu el ili, la papaga regxo, mangxis cxion ajn li trovis, cxu gxermo, folioj aux arbosxelo kiam la fruktoj de la logxata arbo velkigxis kaj falis. Gxi trinkis akvon de Ganga Rivero kaj estis tre felicxa kaj kontenta, restante kie li estis. Fakte, li estis tiel felicxa kaj kontenta, ke la logxejo de Sakao tremetis.

　　Observinte, kiel felicxa kaj kontenta estas la papago, Sakao vizitis lin kaj sxangxis la tutan arbaron en verdan densejon. La Budho montris, ke ecx en la pasinta vivo la monahxo estis kontenta kaj felicxa, do li neniam forlasos la proksimon de la nirvano.

　　Eksplika traduko

　　Kiel strebanto al vero, la monahxo vidis timindecon en manko de atentemo. Li certe ne forlasos sian spiritan altecon, kiun li jam atingis. Li cxiam proksimigxas al la nirvano.