Vidi fonton por 2-32. La unua konsiliĝo pri budhaj instruoj

2-32. La unua konsiligxo pri budhaj instruoj

　　Post la forpaso de la Budho konsiligxo okazis por konservi liajn instruojn.

　　Kompreneble, la forpaso de la Budho estis granda perdo al multaj sekvantoj, precipe tiuj kun atingoj, do multaj discxiploj dronis en profunda malgxojo. Sed iu, kiu monahxigxis en maljuneco, ege gxojis pro la forpaso de la Budho.

　　“Ne malgxoju, fratoj,” li diris, “Ne ploru. Ni liberigxis de la granda asketo. Li sencxese nervozigis nin, dirante, 'Tio estas tauxga kaj tio estas ne tauxga.' Nun ni estas tute liberaj por agi laux nia placxo.” La neatenditaj vortoj de la maljuna monahxo hazarde kauxzis al Maha Kasapa, la tria cxefa discxiplo de la Budho, kunvenigi la cxefajn arahantojn por konservi kaj protekti la budhajn instruojn. La aliaj prestigxaj monahxoj konsultigxis pri tio, kaj cxiuj subtenis la proponon.

　　Kiam Regxo Agxatasatu informigxis pri la decido de la monahxa komunumo, li faris cxiujn necesajn arangxojn, por ke la monahxoj konvenu cxe la enirejo de Satapani Kaverno en Ragxagaha.

　　Oni pretigis kvin cent sidejojn en la granda halo, sed nur 499 famaj arahantoj kolektigxis por la konsiligxo. La malplena sidejo konservigxis por Ananda, kiu estis nur sotapana en tiu tempo.

　　Baldaux estis nur unu tago antaux la komenco de la konsiligxo. Ananda pensis: “La konsiligxo okazos morgaux. Estas ne dece por mi partopreni nur kiel lernanto anstataux arahanto. Mi devas labori pene por purigi mian menson en la resta mallonga tempo.”

　　Por purigi sian menson, li elspezis multe da tempo en la nokto praktikante korpan kontempladon, unu el la meditaj ekzercoj instruitaj de la Budho. Kiam estis preskaux tagigxo, li decidis: “Mi kusxigxos momenton,” sed dume, li ankoraux tenis sian atenton sur la korpo. Apenaux lia kapo ektusxis la kapkusenon post kiam liaj piedoj forlasis la teron, cxiuj liaj restaj malpurajxoj malaperis el lia menso. Li arahantigxis kaj partoprenis en la konsiligxo kiel arahanto.

　　La kunsido komencigxis post tri monatoj de la forpaso de la Budho. Oni rigardis tion kiel la unuan budhisman konsiligxon.

　　Maha Kasapa prezidis la unuan konsiligxon. Oni elektis Upali por respondi demandojn pri Vinajo, la disciplina regularo por monahxoj kaj monahxinoj. Anando, kiu havis eksterordinarajn memorkapablon kaj honoron auxdi cxiujn predikojn de la Budho, elektigxis por reciti cxiujn predikojn de la Budho kaj respondis demandojn pri la budhaj instruoj.

　　Dum la unua budhisma konsiligxo oni kolektis kaj kunigis budhajn instruojn kiel Palian tripitakon, kiu pasas de unu al alia generacio de gemonahxoj. En la antauxa periodo de budhismo trovigxis neniu skriba noto de budhaj instruoj. La monahxoj kaj monahxinoj parkeris cxiujn instruojn kaj transdonis ilin al la sekva generacio en la sama maniero. Jen la busxa tradicio.

　　En 82 p.K. konsiligxo de arahantoj okazis en Srilanko dum la regperiodo de pia sinhala regxo Vata Gamani Ahaja, kaj tie oni unuafoje skribis la instruojn de la Budho en Ola-folioj.