Vidi fonton por 2-3. Reĝo Bimbisara, Reĝa patrono

　　35.2-3. La patrono Regxo Bimbisara

　　Regxo Bimbisara iam proponis duonon de sia regno al la asketo Gotamo, sed la lasta fordankis cxar li volis klopodi por iluminigxo. Poste Regxo Bimbsara petis promeson de Gotamo reveni al Ragxagaha por ilumini lin post la atingo de iluminigxo.

　　Gotamo iluminigxis kaj farigxis la Budho, sed li ne forgesis la promeson reveni al Ragxagaha. Li decidis viziti Ragxagahan kun granda nombro de siaj discxiploj. Lia famo kiel religia instruisto cirkulis en la urbo kaj ankaux atingis la orelojn de Regxo Bimbisara.

　　Auxdinte, ke la Budho jam atingis la urban pordon, la regxo eliris kun multaj korteganoj por bonvenigi lin kaj liajn discxiplojn. La regxo proksimigxis al la Budho kaj esprimis sian respekton, sed iuj el la korteganoj ne sciis bone, al kiu el la Budho kaj Kasapa ili devas esprimi sian respekton. Ili konfuzigxis, cxu la Budho havas sanktan vivon sub Kasapa aux inverse, cxar ambaux estis ege respektindaj religiaj instruistoj.

　　La Budho elvidis iliajn pensojn kaj demandis la respektintan Kasapan, kial li rezignis sian adoradon al fajro. Kompreninte la motivon de la demando, la respektinta Kasapa eksplikis, ke li preferas la pacan staton de nirvano al senutilajn sensajn plezurojn. Post tio, li genuigxis cxe la piedoj de la Budho kaj diris: “Mia instruisto, la Sinjoro, estas Sanktulo. Mi estas lia discxiplo.”

　　La piaj homoj ekgxojis auxdinte la konversacion. La Budho predikis pri la Darmo kaj Regxo Bimbisara atingis la unuan sxtupon de sankteco kaj farigxis sotapano. Kompreninte la doktrinon, Regxo Bimbisara diris al la Budho: “Estimata Sinjoro, Antauxe, kiam mi estis regxido, mi havis kvin dezirojn. Nun ili cxiuj realigxis. Mia unua deziro estis farigxi regxo. Mia dua deziro estis, ke iluminigxinto vizitu mian landon. Mia tria deziro estis, ke mi konatigxu kun iluminigxinto. Mia kvara deziro estis, ke li prediku la doktrinon al mi. Mia kvina deziro estis, ke mi povos kompreni la doktrinon. Nun cxiuj kvin deziroj plenumigxis.”

　　Pro sia dankemo por la spirita donaco fare de la Budho, Regxo Bimbisara donacis parkon kun kvieta bambuaro al la Budho kaj liaj discxiploj. La parko estis nomita Bambuaro. La Budho restis tie dum tri sinsekvaj pluvsezonoj kaj aliaj tri pluvsezonoj poste.

　　Auxdinte la Darmon, la regxo farigxis reganto bona kaj pia, sed poste, li mortis mizere kaj antauxtempe pro sia estinta malbona karmo kaj la malbona konduto de sia filo.