Vidi fonton por 2-21. La budha sinteno kontraŭ aliaj religiaj instruistoj

　　2-21. La budha sinteno kontraux aliaj religiaj instruistoj

　　Upali* estis milionulo kaj la plej bona discxiplo de alia religia instruisto Niganta Nataputa, kies instruo estis malsama de la Budha. Upali ankaux lertis pri debato kaj iutage lia instruisto petis, ke li debatu kun la Budho je iuj vidpunktoj pri legxo de kauxzo kaj efekto. Post longa kaj komplika diskutado, la Budho konvinkis Upali, ke la vidpunkto de ties instruisto estas erara.

　　La instruo de la Budho tiel impresis Upali, ke li tuj petis al la Budho akcepti lin kiel sian discxiplon. Li tute surprizigxis kiam la Budho konsilis lin: “Upali, vi ja estas famulo. Estu certa, ke vi ne sxangxas vian religion nur pro via sxato al mi aux pro la influo de viaj emocioj. Plene esploru mian instruon kun malferma menso antaux ol vi decidos farigxi mia discxiplo.”

　　Kompreninte la sintenon de la Budho pri libera esplorado, Upali des pli plezurigxis kaj diris: “Sinjoro, estas mirinde, ke vi proponis al mi pripensi tion atente. Aliaj instruistoj akceptus min senhezite, gvidus min sur la stratoj en parado kaj asertus, ke la milionulo jam konvertigxis al ilia religio el la sia. Jes, mi estas vere  certa, kaj bonvolu akcepti min kiel vian discxiplon.”

　　La Budho konsentis akcepti Upali kiel sian laikan discxiplon, kaj konsilis lin plue: “Kvankam vi jam farigxis mia discxiplo, Upali, vi devas praktiki toleremon kaj kompatemon. Dauxre donu almozon al viaj antauxaj religiaj instruistoj kiam ili ankoraux dependas de via subteno. Vi ne rajtas ignori ilin kaj rezigni la kutiman subtenon al ili.”

　　Tiu budha konsilo pri toleremo, libera demando kaj akcepto al liaj instruoj ne pro emociaj kauxzoj farigxis nova rekordo en budhisma historio. En budhisma rondo neniam estas religia fanatikulo, kiu devigas al homoj akcepti la religion per torturo aux timigo de puno. Budhismo disvastigxas per pacaj metodoj cxefe pro gxiaj beleco kaj bona volo.

　　Rimarko: En la teksto temas pri alia Upali. Li ne estas tiu Upali, kiu estis barbiro antaux la monahxigxo kaj respondis la demandojn pri Vinajaj reguloj je la unua konsiligxo pri budhaj instruoj.