Vidi fonton por 2-11. Juĝata kaj la sep specoj de edzinoj

　　2-11. Sugxata kaj la sep specoj de edzinoj

　　Sugxata venis el ricxa familio kaj edzinigxis al la filo de Anatapindika. Estante aroganta, sxi ne respektis aliajn kaj ne obeis al siaj edzo kaj bogepatroj. Sxi kauxzis malagrablajxojn en la familio cxiutage.

　　Iutage, kiam la Budho vizitis Anatapindikan, li auxdis neordinaran kriegon en la domo kaj demandis, kio okazis.

　　Anatapindika respondis: “Sinjoro, jen mia bofilino Sugxata. Sxi ne obeas siajn bogepatrojn kaj edzon. Sxi ecx nek honoras nek esprimas sian respekton al la Honorulo.”

　　La Budho venigis Sugxatan al li kaj parolis al sxi afable: “Sugxata, estas sep specoj de edzinoj por viroj. Al kiu speco vi apartenas?”

　　“Kio estas la sep specoj de edzinoj, Estimata Sinjoro?” demandis Sugxata.

　　“Sugxata, estas malbonaj kaj abomenindaj edzinoj. Estas malpaciga edzino. Sxi estas malica, malbonhumora, senkompatema kaj malfidela al sia edzo.”

　　“Estas edzino simila al sxtelisto. Sxi malsxparas la monon gajnitan de la edzo.”

　　“Estas edzino simila al mastro. Sxi estas maldiligenta kaj cxiam pensas nur pri si mem. Sxi estas kruela, malkompatema kaj cxiam insultas sian edzon aux klacxas pri li.”

　　“Sugxata, estas bonaj kaj lauxdindaj edzinoj. Estas edzino simila al patrino. Estante bonkora kaj kompatema, sxi prizorgas sian edzon kiel sian filon kaj estas atentema pri lia mono.” 

　　“Estas edzino simila al fratino. Sxi respektas sian edzon, kiel plijuna fratino respektas la pliagxan fraton. Sxi estas modesta kaj obeema al la deziroj de sia edzo.”

　　“Estas edzino simila al amiko. Sxi gxojas je la vido de sia edzo kiel amiko, kiu ne vidis sian amikon dum longa tempo. Sxi estas virta, fidinda kaj el nobla naskigxo.”

　　“Estas edzino simila al servistino. Sxi kondutas kiel komprenema edzino kiam oni montras sxian mankon. Sxi restas kvieta kaj montras nenian koleron ecx se sxia edzo uzas iom da krudaj vortoj. Sxi estas obeema al la deziroj de la edzo.”

　　La Honorulo demandis: “Sugxata, al kiu speco de edzino vi similas aux deziras simili?”

　　Auxdinte la vortojn de la Honorulo, Sugxata hontigxis pri sia estinta konduto. Sxi respondis: “Ekde nun mi promesos al vi, la Honorulo, ke mi estos tiu en la lasta ekzemplo, cxar mi farigxos edzino bona kaj komprenema.” Sxi sxangxis sian konduton, farigxis helpantino de sia edzo, kaj ili kune klopodis por iluminigxo.