Vidi fonton por 15. Mallernema Cervido

　　15. Mallernema Cervido

　　[Vaganto el la Klaso]

　　Iam estis aro da arbaraj cervoj. En la cervaro estis sagxa kaj estimata instruisto erudicia pri cervaj kondutoj. Li instruis al cervidoj artifikojn kaj taktikojn por sin protekti.

　　Iutage, lia plijuna fratino kondukis sian filon al li por ke li instruu tion, kio estas grava por cervoj. Sxi diris: "Ho, frato instruisto, jen mia filo. Bonvolu instrui lin pri la artifikoj kaj taktikoj de cervoj." La instruisto diris al la cervido: "Tre bone. Venu morgaux je la nuna tempo por via unua leciono."

　　Komence la cervido vizitis la klasojn obeeme laux la postulo. Sed iom poste li pli kaj pli interesigxis pri amuzigxo kun aliaj cervidoj. Li tute ne konsciis, kiel dangxere estos, se li lernos nenion krom cerva amuzigxo. Li komencis vagi el la klasoj kaj baldaux li ekforestis de klasoj dum la tuta tempo.

　　Iutage la mallernema cervido malfelicxe trafis sxnurkaptilon kaj estis kaptita. Lia patrino maltrankviligxis pro lia perdigxo. Sxi iris al la instruisto kaj demandis: "Kara fracxjo, kio estas la situacio de mia filo? Cxu vi vere instruis vian nevon pri la artifikoj de cervoj?"

　　La instruisto respondis: "Kara franjo, via filo estas malobeema kaj needukebla. Pro estimo al vi, mi lauxeble klopodis por klerigi lin. Sed li ne volis lerni la artifikojn kaj taktikojn de cervoj. Li cxiam forestis de klasoj. Kiel mi povus lin instrui? Vi estas obeema kaj fidela, sed li ne. Estis tute senutile por klopodi lin instrui."

　　Post nelonge ili auxdis malgxojan informon. La cervido obstina kaj mallernema estis kaptita kaj mortigita de cxasisto. Li senfeligis gxin kaj portis la viandon hejmen. 

　　La moralinstruo estas: Forestante de klaso oni lernas nenion de instruisto.