Vidi fonton por 1-25. La rakonto de Reĝido Rahula

　　25. La rakonto de Regxido Rahula

　　En la sepa tago post la hejmenreveno de la Budho, Regxidino Jasodara vestis la junan Rahulan. La filo de la Budho vartigxis de siaj patrino kaj avo, kaj jam agxis sep jarojn. Sxi montris al la Budho kaj diris: “Jen estas via patro, Rahula. Iru kaj petu de li vian heredajxon.”

　　Naiva Rahula iris al la Budho, kaj rigardante lian vizagxon, diris al li la vortojn de sia patrino, kaj aldonis: “Patro, ecx ankaux via ombro placxas al mi.”

　　Kiam la Budho forlasis la palacon, Rahula sekvis lin dirante, “Donu al mi mian heredajxon.” Irante al la parko, la Budho pensis: “Li deziras la valorajxon de la patro, sed tio nur akompanas la homan vivon, kaj estas plena de malfacilo kaj suferado. Anstatauxe mi heredigos al li tion, kion mi scias, kaj tiel mi donos al li bonegan heredajxon.” La Budho petis sian discxiplon Sxariputa, ke li ordinu Rahulan. 

　　Regxo Sudodana ege cxagrenigxis informigxinte, ke lia aminda nepo farigxis monahxo. Li diris al la Budho: “Kiam vi forlasis hejmon, mi tristigxis. Kiam Nanda forlasis hejmon, mia koro doloris. Mi koncentris mian amon al mia nepo, kaj ankaux mia nura trezoro forlasis min. Bonvolu ne plu ordini junulojn sen konsento de iliaj gepatroj.” La Budho konsentis pri tio kaj ekde tiam ne plu ordinis junulojn sen konsento de iliaj gepatroj.