Vidi fonton por 1-12. Ofero de Reĝo Bimbisara

12. Ofero de Regxo Bimbisaro

　　De Rivero Anomo, la juna regxido vagis de loko al loko sin vestinte kiel almozulo. Li hazarde vagis al Urbo Ragxagaho, kie vivis Regxo Bimbisaro. Kun sia almozbovlo en la manoj, Sidarto iris en la stratoj kolektante mangxajon de domo al domo kiel cxiuj aliaj religiaj monahxoj. Oni eknomis lin "Sxakjamunio" aux la Sagxulo de Sxakja Klano. Aliaj nomis lin "Asketo" aux "Asketo Gotamo", sed neniu plu nomis lin Regxido Sidarto.

　　Li estis tre bela, juna, sana, pura kaj diskreta. Li parolis tre sincere kaj gxentile. Li ne petis, ke oni donu ion al li, sed estis felicxo kaj plezuro por homoj meti iom da mangxajxo en lian bovlon.

　　Iuj homoj iris al la regxo kaj raportis: "Via Regxa Mosxto, venis junulo, kiun iuj homoj nomas ‘Asketo Gotamo’. Li estas tre pura, diskreta, bonkora, gxentila, kaj tute ne simila al almozulo."

　　Apenaux Regxo Bimbisaro auxdis la nomon "Gotamo", li tuj sciis, ke tiu regxido estas la filo de lia amiko Regxo Sudodano. Li tuj iris al la regxido kaj demandis lin: "Kial vi tiel faras? Cxu vi kverelis kun via patro? Kial vi tiel vagas? Restu cxi tie kaj mi donos al vi duonon de mia regno."

　　"Grandan dankon al vi, sinjoro. Mi amas miajn gepatrojn, edzinon, filon, vin mem kaj cxiujn aliajn homojn. Mi volas trovi metodon por cxesigi maljunigxon, malsanigxon, maltrankviligxon kaj morton. Do mi dauxre klopodos por tio." Dirinte, Asketo Gotamo foriris.