Vidi fonton por 1. Malsaĝulo manĝas salon

1. Malsagxulo mangxas salon

　　Antauxe malsagxulo gastis cxe alia homo. La gastiganto regalis lin per mangxajxo. Li sentis, ke la mangxajxo estas sengusta. Auxdinte tion, la gastiganto ree aldonis iom da salo en la mangxajxon. 

　　Trovinte, ke la mangxajxo estas pli bongusta, la malsagxulo pensis: “La mangxajxo plibongustigxis pro la salo. Nur iom da salo povas tiel bongustigi la mangxajxon, cxu pli da salo ne farus la mangxajxon des pli bongusta?”

　　La malsagxulo ekmangxis nur salon pro sia malsagxo. Tio damagxis lian gustosenton kaj suferigis lin.

　　Iuj praktikantoj de aliaj religioj auxdis, ke oni povas atingi sukceson en sia religia praktikado per abstinado de mangxo, ili ankaux tion faris dum sep aux dekkvin tagoj. Ilia ago nur suferigis ilin, anstataux helpi al ili atingi sukceson. Ili similis al la malsagxulo, kiu mangxis nur salon, opiniante, ke gxi estas bongusta, sed fine suferis pro tio.