Vidi fonton por 97. Perdo de vestaĵo kaj ormonero

　　97. Perdo de vestajxo kaj ormonero

　　Iam antauxe, du viroj piediris en dezerto. Cxiu el ili surportis kotonan mantelon, kaj la mantelo de unu viro estis forprenita de rabisto sur la vojo. La alia viro fugxis kaj sin kasxis en herbaron.

　　La prirabito iam metis ormoneron en la mantelan kolumon. Li do petis la rabiston: "La vestajxo valoras je ormonero. Mi volas acxeti gxin per mono."

　　La rabisto demandis: "Kie estas via mono?"

　　La prirabito prenis la monon el la mantela kolumo, kaj donis gxin al la rabisto: "Tio ja estas el vera oro. Se vi ne kredas, bonvolu demandi la ormetiiston, kiu sin kasxas en la herbaro."

　　Vidinte tion, la rabisto forprenis ankaux la vestajxon de la metiisto. La malsagxulo ne nur perdis ambaux vestajxon kaj ormoneron de si, sed ankaux kauxzis perdon al la alia.

　　La ordinaraj homoj ankaux tiel kondutis. Ili praktikis budhismon kaj faris diversajn bonojn, sed pro la rabo de la klesxo, ili ne nur perdis profiton de la bonaj konduto kaj merito, sed ankaux kauxzis degeneron al la aliaj. Fine ili falis en la tri suferajn statojn post la morto kvazaux la malsagxulo, kiu kauxzis perdon ne nur al si mem, sed ankaux al la alia.