Vidi fonton por Budhismo kaj Esperanto

　　Budhismo kaj Esperanto

　　Kvankam Budhismo kaj Esperanto apartenas al malsamaj kategorioj kaj havas siajn proprajn celojn, tamen ili havas pli da komuneco ol la rilatoj inter aliaj religioj kaj lingvoj. Do mi parolos cxefe pri la rilato inter Budhismo kaj Esperanto.

　　La monda paco estas ilia komuna celo.

　　Kun motivo pacigi la mondon kaj forigi la konflikton, nia majstro Zamenhof kreis Esperanton, kiu ne pretendas sian superecon kontraux cxiuj aliaj lingvoj, sed sin rolas kiel internacia helpa lingvo kaj prezentas la oportunecon por la homa interkomprenado kaj interhelpado en komuna klopodo por la monda paco. Budhismo estigxis pro la iluminigxinto Sxakjamunio en la cirkonstanco de multa religioj, kvankam gxi havas sian plej superan celon kompare kun aliaj religioj, gxia fundamento estas klopodo por la monda paco ne nur inter homoj, sed ankaux inter cxiuj vivestajxoj.

　　Kvankam Esperanto havas sian pacan ideon, tamen gxia funkcio nur efektivigxas en la vasta aplikado. Gxiaj reguleco kaj facileco faras gxin plej bona lingva peranto. Kvankam la budhismo ankaux klopodas por la monda paco, tamen kiel religio, gxi ankaux bezonas plej oportunajn lingvojn por disvastigado. Gxuste pro tio, kunlaboro de budhismo kaj Esperanto faras ilin pli potencaj en la klopodo de monda paco. Do budhanoj ekatentis Esperanton antaux tre longe. Laux historia noto oni ekaplikis Esperanton en Budhismo frue en la 20-aj jardekoj, en 1925 fondis internacian organizon por esperantistaj budhanoj en Euxropo, kaj en 1931 fondis japanan organizon por budhanaj esperantistoj. En la jaro 2002, refondigxis BLE, kiu denove farigxis la centro de budhanaj esperantistoj. Nun ambaux organizoj havas siajn organojn kaj retejojn.

　　Kvankam en Cxinio ankoraux ne estas speciala organizo por budhanaj esperantistoj, Miaohui lancxis retejon BRE, la retejo por budhanoj kaj esperantistoj. Kvankam gxiaj retadresoj kaj spacoj sxangxigxis kelkfoje, gxi dauxras gxis nun. En la nuna tempo gxi havas cxinlingvan version, kiel retadreso estas budhano.com kaj esperantan version, kiel retadreso estas budhano.cn. En la komenca periodo de la jaro 2013, Miaohui ekfunkciigis retradion en Esperanto pri budhismaj scio kaj literaturo. Ni jam faris pli ol 70 elsendojn, kaj cxiu elsendo konsistas en budhisma sutro, budhisma rakonto, budhisma scio, budhisma muziko kaj aliaj programeroj. 

　　Per la klopodo de la koncernaj organizoj kaj samideanoj, oni ektradukis budhismajn verkojn en Esperanton antaux tre longa tempo. La plej granda skala esperantigado de budhismajxoj okazis en Japanio, kaj aperis multaj esperantaj tradukoj de budhismaj verkoj. En la nuna tempo, sinjoro Yamakuti Sin’iti verkis kaj esperantigis kelkajn librojn pri budhismo. Sinjoro Gunar Garmo el Svedio elpaliigis kaj verkis pluran sutrojn kaj verkojn, Bill Mark el Kanado esperantigis “la Diamantan sutron” el sanskrito, sinjoro Xu Jin prove esperantigis sutron de la sesa patriarko de cxina Zenbudhismo, kaj Miaohui el Cxinio ankaux esperantigis plurajn budhismajn verkojn kaj sutron.

　　Per la komuna klopodo, la samideanoj faras grandan kontribuon ne nur en Budhismo, sed ankaux en Esperanto, sed ni devas agnoski, ke ni ankoraux ne atingis nian finan celon, kaj por nia estonta kunlaboro inter budhismo kaj esperanto, ni ankaux bezonas multe da helpo kaj laboro. Do cxiuj helpoj kaj kunlaboroj estas bonvenaj. Aligxo al BLE estas bonvena kaj facila, kaj oni povas rekte sendi la aligxilon al sinjoro Yamakuti Sin’iti. Kaj krome, BRE ankaux bezonas helpon en la laboro de esperantigado kaj la retejo, kaj same bonvenigas vin en la helpo kaj kunlaboro.