Vidi fonton por 66. Reciti Stirmetodon

　　66. Reciti Stirmetodon
　　Iam estis filo de prestigxa ricxulo. Li iris al la maro kun multaj komercistoj por kolekti trezorojn.
　　Li scipovis parkere reciti la stirmetodon de la sxipo kaj bone sciis kiel stiri, direkti aux haltigi la sxipon en la kirlajxoj aux sur ondegoj de la maro. Do li fanfaronis al la aliaj: "Mi bone scias la surmaran stirmetodon."
　　Auxdinte tion, cxiuj kredis al li.
　　Ne longe post kiam ili ekveturis sur la maro, la stiristo subite mortis de malsano, do la filo de la prestigxulo farigxis nova stiristo por lin anstatauxigi.
　　Kiam la sxipo iris en la kirlajxon, la nova stiristo recitis lauxte: "Oni devas tiel stiri, kaj tiel direkti la sxipon." Sed la sxipo nur turnigxis en la kirlajxo, kaj neniom sin movis. Do antaux ol la komercistoj atingis la trezorejon, ili cxiuj dronis kune kun la sxipo.
　　La ordinaraj homoj ankaux tiel kondutas. Ili lernis iom da medita metodo kiel atenti pri la spirado kaj kontempli pri la malpureco, sed nur scipovas reciti la tekston anstataux kompreni la enhavon. Kvankam ili ne scias pri diversaj metodoj, tamen ili pretendas, ke ili bone scias la meditadon, kaj instruas tion al la aliaj. Oni konfuzigxas pro lia misgvido, eraras pri la meditado kaj klopodas vane dum longaj jaroj. Ili similas al la malsagxulo, kiu dronigis siajn kunvojagxantojn en la maro.