Vidi fonton por 42. Protekti kamelan felon

　　42. Protekti kamelan felon

　　Komercistoj faris komercan vojagxon, sed sur la vojo subite mortis unu el iliaj kameloj. La kamelo iam portis multajn trezoron, valoran teksajxon kaj aliajn objektojn. Post la morto de la kamelo, oni tuj senfeligis gxin. 

　　Antaux ol forlasis la komercistoj, la estro restigis du lernantojn kaj ordonis al ili: "Bone protektu la kamelan felon kontraux putrado pro malsekigxo." 

　　Ekpluvis post nelonge. La malsagxaj lernantoj kovris la felon per valora teksajxo por protekti gxin kontraux malsekigxo, sed tute detruis la teksajxon pro tio. 

　　La prezo de teksajxo estis multe pli alta ol tiu de la felo. Ili protektis la malkaran felon per valora teksajxo pro malsagxo.
 
　　　　　La ordinaraj homoj en la mondo ankaux kondutas tiamaniere. La teksajxo signifas abstinadon de mortigo; la kamela felo signifas komercajxon; la putrigxo pro pluvo signifas dibocxon kaj detruigxon de bona konduto. La disciplino abstini de mortigo estas la plej bona kauxzo por farigxi budho, sed anstataux praktiki gxin, ordinaraj homoj preferas oferi monon kaj havajxon por konstrui pagodojn kaj monahxejojn, kaj almozdoni al la monahxoj. Per tio ili strebas por la monda felicxo anstataux por la plej grava afero, kaj ne povas liberigxi de renaskigxo en la kvin statoj de cxieluloj, homoj, bestoj, malsataj spiritoj kaj inferuloj.
　　　　　
　　Do religianoj devas atenteme abstini de mortigo.