Vidi fonton por 47. Imiti birdan pepon

　　47. Imiti birdan pepon

　　Iam antauxe, en iu regno cxiuj virinoj sin ornamis per verdaj lotusfloroj dum la nacia festo. 

　　Tiam la edzino de malricxulo diris al li: "Mi dauxre estos via edzino se vi donos al mi verdajn lotusflorojn. Se ne, mi eksigxos de vi." 

　　Antauxe la malricxulo lertis en imitado de birda pepado. Do pepante kiel akvobirdo, li glitis en la regxan lageton por sxteli verdajn lotusflorojn.

　　La gardisto de la lageto demandis: "Kiu estas en la lageto?" 

　　La malricxulo pretervole respondis: "Akvobirdo."

　　La gardisto kaptis la malricxulon kaj kondukis lin al la regxo. La malricxulo denove pepadis sur la vojo. 

　　La gardisto diris: "Anstataux pepi antauxe, al kio utilas via nuna pepado?"

　　Tiel kondutas ordinaraj homoj. Ili faras mortigon kaj diversajn malbonajn kondutojn dum la tuta vivo kaj neniam lernas bonon por korekti sian malbonon. Nur kiam ili estas mortantaj, ili diras: “Mi volas praktiki bonon.” Sed demonoj kondukas lin al la regxo de Morto per forto. Kvankam li ekvolas praktiki bonon, li jam ne plu havas bonsxancon. Ili similas al la malsagxulo, kiu volis imiti la pepadon de la birdo nur antaux ol atingi la palacon de la regxo.