Vidi fonton por 58. Dividi heredaĵon

　　58. Dividi heredajxon 

　　Iam en regno Marao vivis ksxatri nobelo. Li suferis de grava malsano, sciis, ke li estas mortanta. Li do ordonis siajn du filojn: "Dividu la heredajxon lauxdece post mia forpaso." 

　　La filoj obeis lin, kaj dividis la heredajxon tuj post lia morto. Sed la pliagxa frato plendis, ke la malpliagxa ne faris tion juste.

　　Stulta maljunulo alvenis kaj proponis al ili: "Mi havas bonan metodon, por ke vi dividu la havajxon tute egale. apartigu cxion el la heredajxo. Kiel vi faru tion? Vi apartigu cxiun el la vestajxoj, cxiun el la teleroj kaj boteloj, cxiun el la pelvoj kaj urnoj, kaj ankaux cxiun el la moneroj. Tiel vi duigos la heredajxon tute egale."

　　Oni mokridis lin pri tio.

　　Anoj de aliaj religioj pratikas absoluta respondo de debato. Ekzistas kvar metodoj por debato. El ili estas decida respondo, ekzemple “Cxiuj homoj mortas” estas difinita respondo; “Mortintoj renaskigxos”, “Homoj cxesigintaj amon ne plu renaskigxas”, “Homo kun amo renaskigxas” estas lauxkondicxaj respondoj. Se iu demandis: “Cxu homo estas plej bona?” Vi devas konfirmi: “Cxu vi demandas pri la tri malbonaj statoj aux la cxielaj statoj? Se vi demandas pri la malbonaj statoj, homo estas la plej bona. Se vi demandas pri la cxieluloj, homo estas malpli bona.” Tio estas konfirma respondo. Se oni demandas pri la dek kvar malfacilajxoj, kiel “Cxu la mondo kaj vivestajxoj havas bordon aux ne?”, “Cxu ili havas komencon aux ne”, kaj aliaj, vi devas uzi Rezignan respondon. Sed homoj el aliaj religioj estas malsagxaj. Ili opinias, ke ili estas suficxe sagxaj kaj anstatauxigas kvar demandojn de debato per absoluta respondo, kvazaux la malsagxulo, kiu apartigis la moneron por dividi la havajxon.