Vidi fonton por 41. Kverelo inter du demonoj

41. Kverelo inter Du Demonoj

　　Iam antauxe, du Pisxagxaj demonoj komune posedis skatolon, bastonon kaj paron da sandaloj. Foje ili konfliktis reciproke por proprigi al si cxion el la posedajxoj kaj ilia kverelado dauxris sencxese tagnokte.

　　Tiam iu venis al ili. Vidinte tion, li demandis: "Kian eksterordinarecon havas la skatolo, bastono kaj sandaloj, pri kiuj vi kverelas tiel furioze?" 

　　La demonoj respondis: "Mia skatolo povas eligi vestajxojn, mangxajxojn, matracojn, litajxojn kaj cxiujn aliajn vivbezonajxojn; per la bastono mi povas tiel subigi cxiujn malamikojn, ke ili neniam kuragxas kontrauxstari plue kaj per la sandaloj mi povas flugi libere en la aero." 

　　Informigxinte pri tio, la viro diris al la demonoj: "Tenu vin malproksimaj por momento. Mi dividos ilin juste por vi." 

　　Auxdinte tion, la demonoj forlasis lin. Li do prenis la skatolon, bastonon, kaj flugis en la aeron per la sandaloj.

　　La demonoj ektimis, sed povis fari nenion kontraux tio.

　　La viro do diris al ili: "Nun mi ja posedas tion, pro kio vi kverelis sencxese. Ne plu kverelu ekde nun."

　　Pisxagxaj demonoj signifas diversajn demonojn kaj aliajn religiojn. La skatolo signifas almozdonon, el kiu venas vivbezonajxoj por kvin specaj vivestajxoj de cxieluloj, homoj, bestoj, malsataj demonoj kaj inferuloj. Bastono signifas meditadon, per kiu oni povas subigi malamikojn el rankoro kaj pasioj. La sandaloj signifas disciplinojn, per kiuj oni povas renaskigxi en la mondoj de cxieluloj kaj homoj. La kverelado de demonoj kaj aliaj religioj por la skatolo signifas, ke ili deziras bonan rezulton per sia pasio kaj klopodas vane. Oni povas liberigxi el la sufero nur per bona konduto, almozdono, observado al disciplinoj kaj praktikado de meditado.