Vidi fonton por 40. Sufero de kalveco

　　40. Sufero pro kalveco　

　　Iam estis kalvulo. Li suferis ne nur de malvarmo vintre kaj varmo somere, sed ankaux de la pikado de moskitoj kaj tabanoj. Pro tio li turmentigxis tagnokte, kaj suferis multe.

　　Alvenis kuracisto lerta pri diversaj kuracartoj. La kalvulo vizitis lin kaj diris al li: "Mi petas, ke vi kuracu min de la kalveco."

　　La kuracisto ankaux estis kalva. Li do demetis sian cxapon kaj respondis: "Ankaux mi ege suferas pro la kalveco. Se mi povus kuraci gxin, mi nepre kuracus al mi unue por forigi la suferon."

　　La mondanoj ankaux tiel kondutis. Turmentite de la sufero el naskigxo, maljunigxo; malsanigxo kaj morto, ili volis sercxi metodon por liberigxi el tio. Auxdinte, ke sxamano, bramano kaj aliaj bonaj kuracistoj en la mondo lertas en la kuracado, ili iris kaj diris: “Mi deziras, ke vi forigu mian suferon de efemeraj naskigxo kaj morto, por ke mi cxiam estu en eterna felicxo.” La bramanoj kaj aliaj respondis: “Ankaux ni suferas de la efemeraj naskigxo kaj morto. Ni ankaux strebas sercxante eternan felicxon sed ankaux ne trovis gxin. Se ni trovos gxin, ni havigos al ni, kaj ankaux al vi.” Ili similas al la kalvulo, kiu suferis la turmentigxon kaj ne povis resanigxi.