Vidi fonton por 20. Parolado pri krueleco de la reĝo

　　20. Parolado pri krueleco de la regxo

　　Iam iu parolis pri manko de la regxo kaj diris: “La regxo estas kruela, kaj li ne kapablas regi la landon racie.”

　　La regxo eksplodis de kolero auxdinte tion. Anstataux fari enketon, kiu parolis pri tio, li kredis malfidelan homon, kaptis lojalulon, kaj ordonis, ke oni detrancxu cent taelojn da karno de sur la dorso de la kaptito.

　　Poste, oni pruvis, ke la punito estas senkulpa. La regxo bedauxris kaj pretigis mil taelojn da viando por plenigi la vundon de la mispunito.

　　La mispunito gxemadis en la nokto pro la neeltenebla doloro. Auxdinte tion, la regxo demandis: “Kial vi ankoraux suferas? Mi trancxis de vi cent taelojn da viando sed redonis al vi dekoble. Cxu vi ankoraux ne kontentas pri tio? Kial vi ankoraux suferas?”

　　Alia homo repondis: “Se vi detrancxos mian kapon, Via Regxa Mosxto, mi ne povos eviti morton ecx se vi rekompencos min per mil kapoj. Kvankam li ricevis viandon dekoble, li ne povas sin liberigi el la doloro.”

　　Malsagxaj homoj kondutas ankaux same. Ili dibocxas en la nuna felicxo sed tute ignoras la estontan suferon. Ili faras malutilon al vivestajxoj kaj ekspluaton al popolanoj kun intenco havi pli da ricxajxo. Per la eltrudita mono li volas fari bonon por kompensi sian kulpon kaj havigi al si meriton. Ili similas al la regxo, kiu vane klopodis sendolorigi la suferanton, de kiu li trancxis karnon kaj poste plenigis la vundon per pli da viando.