Vidi fonton por 18. Proksimiĝi al la akrilo

　　18. Proksimigxi al la akrigilo

　　Iam antauxe mizera malricxulo laboris por la regxo. Lia korpo malgrasigxis tagon post tago. La regxo eksentis kompaton kaj donacis al li mortan kamelon.

　　Ricevinte la mortan kamelon, la malricxulo tuj eksenfeligis gxin. Lia trancxilo malakrigxis dum la laboro, do li eksercxis sxtonan akrigilon. Fine li trovis malgrandan akrigilon en la supera etagxo, akrigis la trancxilon kaj malsupreniris por dauxrigi la senfeligadon.

　　Tiel li supreniris multfoje por akrigi la trancxilon kaj ege lacigxis pro tio. Ne plu volante supreniri por akrigi la trancxilon, li portis la kamelon sur la superan etagxon por proksimigxi al la malgranda akrigilo. Oni mokridis lin pri lia stultajxo.

　　Iuj malsagxuloj detruas disciplinojn nur por sin profitigi per trezoro, kiun ili deziras uzi en bonfaro por renaskigxi en la paradizo. Ili elspezas tro multe sed rezultas ege malmulte kvazaux porti la mortan kamelon al supra etagxo por proksimigxi al la malgranda akrigilo.