Vidi fonton por 10. Konstruado de trietaĝa domo

　　10. Konstruado de trietagxa domo

　　Antauxe vivis malsagxa ricxulo, kiu sciis nenion. Kiam li vizitis alian ricxulon, li vidis cxe la gastiganto trietagxan domon altan, majestan, vastan kaj helan. Li eksxatis gxin kaj pensis: "Mi ne estas malpli ricxa ol li, do kial mi ne konstruigu tiel belan etagxdomon?"

　　Li tuj venigis cxarpentiston kaj demandis: "Cxu vi kapablas konstrui etagxdomon tiel belan kiel tiu de la alia ricxulo?"

　　La cxarpentisto respondis: "Jes, lia etagxdomo estis konstruita de mi mem."

　　La ricxulo diris: "Ekkonstruu tian etagxdomon por mi hodiaux."

　　La cxarpentisto ekkonstruis fundamenton por la etagxdomo.

　　Vidinte tion, la ricxulo ne komprenis la intencon de la cxarpentisto. Li do demandis suspekteme: "Kion vi faras?"

　　La cxarpentisto respondis: "Mi konstruas trietagxan domon."

　　La malsagxulo diris: "Mi ne volas la malsuprajn du etagxojn de la domo. Konstruu por mi nur la plej supran etagxon."

　　La cxarpentisto respondis: "Tute neeble. Kiel oni povas konstrui la duan etagxon sen la unua, kaj la trian etagxon sen la malsupraj du etagxoj?"

　　La malsagxulo ripetis: "Mi ne volas la malsuprajn du etagxojn. Konstruu por mi nur la supran etagxon."

　　Auxdinte tion, oni mokridis lin, dirante: "Kiu povas konstrui la supran etagxdomon sen malsupraj!"

　　Iuj el la kvar specaj discxiploj de la Budho nek praktikas diligente nek estimas la Tri Juvelojn. Ili estas maldiligentaj en strebo al la sukceso, sed ili diras: "Mi ne volas la malsuperajn tri atingojn. Mi nur deziras la atingon de arahanto." Oni mokas ilin kiel la malsagxulon.