Vidi fonton por 5. Soifa malsaĝulo

　　5. Soifa malsagxulo

　　Iam antauxe, malsagxulo soifegis kaj deziris akvon. Vidinte vaporon estigitan pro varmo, li opiniis, ke tio estas akvo. Li do iris al gxia direkto gxis li atingis riveron Hindu. Atinginte la riveron, li nur gapis anstataux ektrinki.

　　Oni demandis al li: “Vi sercxis akvon pro soifo, sed kial vi ne trinku nun starante cxe la akvo?”

　　La malsagxulo respondis: “Mi trinkus se mi povus eltrinki la riveron. Sed estas tro multe da akvo por mi eltrinki, mi do ne trinku.”

　　Auxdinte tion, cxiuj eksplodis de rido.

　　Simile, iuj praktikantoj de aliaj religioj sin tenas al iu vidpunkto malgxuste. Ili opinias, ke ili ne povas observi la budhajn disciplinojn, do ili ne akceptas ilin. Pro tio ili dauxre vivos en la ses vivcirkloj kaj havas neniom da ebleco por atingi sukceson. Tio similas al la malsagxulo, kiu ne trinkis akvon cxe la rivero, kaj pro tio estis mokita de aliaj homoj.