Vidi fonton por 2-30. Subada, la lasta disĉiplo

　　2-30. Subada, la lasta discxiplo

　　Vaganta ermito Subada hazarde restis en Kusinaga kaj decideme iris viziti la Budhon kiam li informigxis, ke la Budho baldaux forpasos. Subada havis problemon ne solveblan, kaj li certis, ke la Budho povos respondi je lia demando kaj klarigi liajn dubojn.

　　Do Subada iris al la sala arbaro kaj demandis al Ananda, cxu li rajtas vidi la Budhon. Sed Ananda respondis: “Amiko Subada, la Budho estas tre laca, do ne gxenu lin.”

　　Subada petis dua- kaj triafoje, sed Ananda respondis en sama maniero.

　　Sed la Budho kaptis vortojn de la parolo inter Anando kaj Subada. Li vokis Anandan al si, dirante: “Ananda. Ne detenu Subadan de vizito al mi. Lasu lin veni. Kion ajn Subada demandos min, li tion faros pro deziro al scio sed ne por gxeno al mi. Kaj li povos rapide kompreni, kion ajn mi diros por respondi liajn demandojn. ”

　　Akirinte permeson, Subata proksimigxis al la Budho, salutis lin kaj diris: “Gotamo, estas multaj famaj religiaj instruistoj, kiuj donas instruojn diferencajn de la viaj. Cxu ili cxiuj trovis la veron kiel ili asertis? Aux cxu nur iom el ili trovis la veron dum aliaj ne?”

　　“Suficxe, Subada,” diris la Budho, “Vi ne bezonas maltrankviligxi pri aliaj instruoj. Auxskultu min kaj atentu, kion mi diras. Mi sciigos la veron al vi.

　　“Se en iu ajn doktrino aux instruo ne ekzistas la Nobla okera vojo, ankaux ne ekzistos tiuj, kiuj jam farigxis sotapana, sakadagami, agami aux arahanto, la kvar niveloj de sankteco. Sed en tiuj instruoj, kie oni povos trovi la noblan okeran vojon, oni ankaux trovos la sotapanan, sakadagami, anagami kaj la arahanto. En mia instruo oni povos trovi la Noblan okeran vojon, do en gxi estas la sotapana, sakadagami, anagami kaj la arahanto. En neniu skolo de aliaj religiaj instruistoj oni povos trovi tiajn sanktulojn. Kaj nur se miaj discxiploj vivis prave kaj sekvas miajn preceptojn aux trejnajn regulojn, al la mondo neniam mankas geniaj arahantoj.”

　　Tiam Subada petis, ke la Budho akceptu lin en monahxa komunumo, kaj la Budho akceptis lian peton. Tiel Subada farigxis la lasta konvertinto kaj discxiplo de la Budho kiel Kondana estis la unua konvertinto kaj discxiplo en la cxerva parko cxe Benareso antaux 45 jaroj.

　　Subada farigxis arahanto en mallonga tempo per sia sia honesta kaj diligenta klopodo laux la instruo de la Budho.