Vidi fonton por 2-26. Budha sinteno al mirakloj

　　2-26. Budha sinteno al mirakloj

　　Kiam la Budho vivis en Nalanda cxe Pravarika Arbaro, viro nomata Kevada iam iris al li, esprimis sian estimon kaj proponis: “Sinjoro, Nalanda estas evoluinta urbo. La lokanoj estas prosperaj, kaj ili havas fortan konfidon al la Honorulo. Estus pli bone se vi ordonus al monahxo montri miraklon de supernatura povo, por ke la homoj de Nalanda konfidu al la Honorulo pli forte.”

　　La Budho respondis: “Kevada, mi ne instruas la Darmon al la biksxuoj tiamaniere.” La Budho respondis same kiam Kevada petis lin en la dua kaj tria fojo. Poste la Budho respondis, ke ekzistas tri specaj supernaturaj povoj:

　　“Estas miraklo de supernatura povo aperigi multajn homojn, trapasi murojn, flugi en la aero kaj iri sur la akvo. Cxio cxi estas fizikaj agoj ne plenumeblaj por ordinaraj homoj.

　　Estas supernatura povo legi la menson de aliaj homoj.

　　Estas supernatura povo gvidi homojn per tauxgaj metodoj laux iliaj mensaj disvolvigxoj por iliaj propraj bonoj.

　　Se oni prezentas antauxajn du supernaturajn povojn por impresi homojn, tio similas al prezentado de magiistoj. Monahxo, kiu praktikas tiaj mondajn miraklojn，suferas de honto, humileco kaj malsxato. Tiaj aktivadoj povas impresi kaj gajni konvertojn kaj sekvantojn, sed ne kondukas iluminigxon al homoj por liberigi ilin el la suferado.

　　La tria speco de supernatura povo, kvankam nomita “miraklo”, helpas homojn liberigxi el la suferado. Tio estas la nura eksterordinara povo tauxga por praktiki.

　　La nura miraklo，kiun oni devas prezenti estas jenaj: Kiam vi vidis homon plenan de pasio, avido kaj deziro, vi devas instrui al tiu, kiel sin liberigi el la pasio, avido kaj deziro; kiam vi vidas, ke homo estas sklavo de malamo kaj kolero, vi uzas viajn povojn por helpi tiun regi siajn koleron kaj malamon; kiam vi renkontis homon, kiu estas malsagxa kaj ne povas kompreni la veran naturon de la mondo, cxio en kiu estas eferera, sufera kaj senegoa, vi uzas viajn povojn por helpi tiun forigi sian sensciecon. Tio estas tauxgaj “mirakloj”, kiujn vi povas prezenti.

　　Tiu admono al Kevada ankaux kondukis discxiplinan regulon, kiu detenas monahxojn de aplikado al mirakloj por impresi homojn kaj gajni konvertojn sen helpi ilin al iluminigxo. Tio estis klara en la okazo de Pindola.

　　Arahanto Pindola Baraduxagxa famigxis pro siaj supernaturaj povoj. Kun intenco, ke tiu cxi monahxo montru sian eksterordinaran povon, ricxulo metis belan bovlon sur pinton de alta loko kaj provokis al cxiuj sanktuloj por depreni la bovlon. Se iu povos tion fari, li rajtos posedi la bovlon.

　　Pindola Baraduxagxa flugis supren kaj deprenis la bovlon tre facile. Li tion faris por montri al la ricxulo, ke ekzistas sanktuloj en la mondo, pri kio tiu ne kredas. Kiam la Budho informigxis pri la okazajxo, li ordonis al Pindola Baraduxagxa alporti la bovlon. La Budho rompis la bovlon en pecetojn antaux la monahxoj, dirante: “Mi malgxojas pro la montrado de viaj fizikaj povoj. Vi ne plu rajtas tion fari nur por impresi homojn simplajn kaj sensciajn.”