Vidi fonton por 2-22. Monaĥo laboranta tro pene

　　2-22. Monahxo strebanta tro pene

　　Sona estis filo de ricxa komercisto. Li plej sxatis auxskulti muzikon de liuto kaj ludi la instrumenton. Li plenkreskis en ricxeco kaj lukso, do lia hauxto estis tre mola kaj delikata. Oni ecx diris, ke haroj kreskis el la hauxto de liaj plandoj. La onidiro tiel furoris, ke Regxo Bimbisara speciale invitis lin al la palaco por rigardi liajn eksterordinarajn piedojn, pri kiuj li auxdis multe.

　　Sona vivis cxe la Vultura Montpinto en Ragxagaha, kie la Budho restis dum kelkaj pluvaj sezonoj. Iutage Sona iris al la Vultura Montpinto auxskulti la budhan instruon, en kiu temas pri felicxa sperto de senkrocigxo al mondaj deziroj. Sona deziris gxui tian felicxon, do li petis la Budhon ordini lin kiel monahxon.

　　Farigxinte monahxo, li lernis metodon de konstanta meditado ecx dum piedirado. Li ege entuziasmigxis pri tio. Cxiutage li piediradis tien kaj reen meditante en la monahxejo gxis iutage liaj piedoj havis vezikojn kaj sangis.

　　Sed anstataux felicxon, Sona spertis nur doloron kaj malesperon post cxiuj siaj klopodoj. Sopiroj al mondaj aferoj ankoraux aperadis en lia menso. “Tute senutile,” Sona diris al si mem. “Mi jam strebis pene, sed ankoraux ne atingis la deziratan celon. Estas pli bone por mi reveni al mia laika vivo kaj gxui la kutiman felicxon per almozdonado.”

　　Kiam la Budho auxdis pri tio, li iris viziti Sonan. “Sona,” li diris, “mi auxdis, ke vi ne atingis bonan rezulton en via medita praktikado kaj volis reiri al la laika vivo. Cxu vi restos kiel monahxo kaj provos denove se mi klarigos al vi, kial vi ne havis bonan rezulton?”

　　“Jes, mi provos, Sinjoro” respondis Sona.

　　“Sona, vi estas muzikisto kaj kutime ludas liuton. Diru al mi, cxu vi faras bonan muzikon kiam la fadenoj estas bone agorditaj, nek tro strecxe nek tro malstrecxe?”

　　“Mi povas fari bonan muzikon, Sinjoro,” respondis Sona.

　　“Kio okazus se la fadenoj estus tro strecxaj?”

　　“Mi ne povus fari bonan muzikon, Sinjoro,” diris Sona.

　　“Kio okazus se la fadenoj estus tro malstrecxaj?”

　　“Mi povus fari nenian muzikon, Sinjoro,” respondis Sona.

　　“Sona, cxu vi scias, kial vi ne spertis la felicxon de rezignado al mondaj avidoj? Vi strebis tro pene en via meditado. Do faru tion en maniero modera, sed ne tro malstrecxa. Provu alifoje kaj vi havos bonan rezulton.”

　　Sona komprenis tion. Li restis en la monahxejo kiel monahxo kaj atingis sanktecon post nelonge.